Hibùlù 4:3 - The New Testament in the Babanki language

³ Vəghəŋ vi a və byɨmə lu kwen akəshi kə zhʉ̀təkə Nyìngòŋ na ki. Alì viʼi vyi a və ko byɨmə, ghə̀ gàʼ la, “Tinə ə ghom ə nfwi li, ma kàyntə̀ la, Vəwenə ko lə̀ kwen akəshi yi a mà tə ndiʼ lù ku əzhʉtə a vəwenə tsu.” Nyìngòŋ ə ngàʼa no tèbe alə̀ mu ghə̀ sə diʼ mù ghə̀ ə mwetə li shyèʼ wen to achʉʼ a ghə̀ nshɨtə mbyi.

Hibùlù 4:3 ပူးပေါင်းရင်းမြစ်များ

Matìyò 13:35

Ghə̀ ə̀ nè alə̀ ndi nè la nyʉ̀ vyi a Nyìngòŋ ngaʼà chò fà nshə̀ʼtə̀ ghoʼo ndiʼ nəmwèʼè la, “Mà lu ngàʼà à vəwenə a ngàynsə. Mà lu nshə̀ʼtə̀ nyʉ̀ à vəwenə a wìʼ nko ntɨmə̀ kɨ no fa tʉʼ a və nshɨtə mbi.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Efisyàns 1:4

Nò tèbe mibu Nyìngòŋ nsə shɨtə mbyi mu ghə̀ ntsuʼ li vəghəŋ byìʼì ando vəghəŋ ə ndiʼ a kənyʉ̀ kə mùʼ vəghəŋ və Klistò la vəghəŋ lu ndiʼ viʼi vəlaynəvə, ko andiʼ la və kiʼi ə mbyɨ ashɨ Nyìngòŋ.

Hibùlù 3:11

Ma ə fwisə tin ə kàyn la, ‘Vəwenə ko lu kwen tebè akəshi yi a mà tə ndiʼ lù ku zhʉtə a vəwenə tsu.’”

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.