Hibùlù 4:16 - The New Testament in the Babanki language

¹⁶ A lə kənyʉ̀ ki a kə bòŋ la vəghəŋ maʼa əfwàyn ə vi boʼsə kəkɨ kə təfòyn yi a Nyìngòŋ ne diʼi ətyɨm ə jùŋə ghə̀ a viʼi a vyi. Ghə̀ kiʼi ətyɨm ə jùŋə ghə̀, diʼ ə nə̀ kusə shɨnsə a vəghəŋ, ə gyamtə vəghəŋ azhʉ ngəʼ.

Hibùlù 4:16 ပူးပေါင်းရင်းမြစ်များ

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Efisyàns 3:12

Əbyɨmə ə vəghəŋ ə̀ tsentə yì a vəghəŋ ə kiʼi vəghəŋ və Klistò ne li la vəghəŋ ə diʼ mù və zizi və sə dyʉ̀ a Nyìngòŋ ko və lu fwàynə̀ tebè kəfo, kɨ nəmwèʼè la ghə̀ a shisə vəghəŋ.

Hibùlù 13:6

Alə̀ kənyʉ̀ a vəghəŋ zizi vəghəŋ gàʼ ko vəghəŋ lu fwàynə̀ la: “Bobo diʼi ngyàmtə̀ ghom, mà zizi ko ma fàyn kənyʉ̀. Wùmə̀nsòŋ zizi ko ghə̀ lu nè kənyʉ̀ kətsen kə a mò.”

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Hibùlù 9:5

Əfo ə tsevə ə nti akwi əkum a yi ə bò, kiʼ təvò, diʼ dyʉ̀ to nə̀ ətsɨŋsə Nyìngòŋ. Əfo na vyi ə nti ali, diʼi la Nyìngòŋ ə diʼ tsu. Təvò a tyitə tə ndiʼ mu tə chiʼtə li kəshi kì a və ə lyesə ku mbyɨsə viʼi tsu. Nò tèbe ali, luwen kodiʼ zhʉ̀ ə gàʼ ə làynsə nyʉ̀ a venə ə tsèm.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.