Hibùlù 4:11 - The New Testament in the Babanki language

¹¹ Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Hibùlù 4:11 ပူးပေါင်းရင်းမြစ်များ

Matìyò 11:12

Soʼ Fòyn Nyìngòŋ kwi dyʉ̀ tò nə̀ mbì nə̀ kədyòʼ fa chʉʼ a Joyn wù ku à mù nzìtə̀ shyèʼ wen, viʼi kədyòʼ sòʼò wenə ghə̀.

Matìyò 7:13

“Ghə̀ŋ ə kwenə akəshi əfòyn ə Nyìngòŋ jì ə chʉ ngə̀ŋ ə faʼsə ghə̀, byìʼì ando ə chʉ ə ghoʼo ə kwenə tò akəshi kəbyɨkə. Ji yi a ghə̀ dyʉ̀ akəshi kəbyɨkə ə diʼ ə ghoʼ tò alə̀, chò no a nkàyn.

Ŋwàʼlə̀ Luk 13:24

“Ghə̀ŋ mwòmsə no nə̀ kədyòʼ ə cho fa chʉ ngə̀ŋ a ghə̀ faʼsə ə kwen a kəshi kə fòyn Nyìngòŋ. Ghə̀ŋ kɨ la viʼi no və ghoʼo lu nkəŋ kwen fa tsu ali kə to ghoʼo vəwenə.

Ŋwàʼlə̀ Luk 16:16

“Və nlù sə jèʼè a tyì soʼ Mosìs bè jèʼè à tyi ziʼi nshə̀ʼtə̀sə ghoʼkə sə əkuʼ zaʼa a tʉʼ Joyn wù ku àmù. Əzìtə̀ fa tʉʼ ayì, və mù sə shə̀ʼtə̀ ntɨm jùŋə kùmə̀ soʼ fòyn Nyìngòŋ, no məndo sə soynə tò soynə əkwen a kəshi kə fòyn na kèn.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Shwèʼ 26:19

“Mà ko tə tyèn a fòn Aglibà, ənè kənyʉ̀ kì a bayn yi tə fʉ̀ fa kàŋ və gàʼ à mò la mà nè.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Kòlòsyàns 3:6

Nyìngòŋ fwisətin, diʼ lù ku ngəʼ ə ghoʼo a viʼi vyi a və ko zhʉ̀ byɨmə wen, nè ənyʉ̀ a venə.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

Hibùlù 3:18

A ko ndiʼ to a viʼi na venə a və nto kətʉ fa Nyìngòŋ ghə̀ kàyntə̀ la, “Vəwenə ko kwen akəshi yi a mà tə ndiʼ lù ku zhʉtə a vəwenə tsu.”

Hibùlù 4:6

Viʼi vyi a və nzhʉ ntɨm ə jùŋ na ghèn a ambì ə faŋ kò və lə kwen akəshi kə zhʉ̀təkə Nyìngòŋ a ki byìʼì ando vəwenə ntyen li ə zhʉ Nyìngòŋ, ali viʼi vətsenvə sə ə diʼ luwen lù kwen li akəshi na yi,

Hibùlù 6:11

Yès ə kòŋ la no ghə̀ŋ vətsèm ghʉ̀ kətʉ shyèʼ a ghèn alə̀ ə zàʼa fa kəmwètə ndiʼ ghə̀ŋ nshɨtə kɨ mwetə kəfo kì a ghə̀ŋ ki dyʉ̀sə nə̀ kəwenkə.

2 Bità 2:6

Nyìngòŋ ə nyʉʼ li əloʼ ə Sodòm nə̀ əloʼ ə Gòmolyà nə̀ zhiʼ, təloʼ na tèntə be mè, a diʼ nchwi ə diʼ la à lə kənyʉ̀ ki a kə lu fʉ̀ a viʼi vyi a və ko zhʉ̀ tebè wen.