Hibùlù 3:7 - The New Testament in the Babanki language

⁷ A lə kənyʉ̀ ki a kəzhwì kə Ŋwoʼkə ə gàʼa la, “Ghə̀ŋ zhʉ̀ gɨ Nyìngòŋ layn,

Hibùlù 3:7 ပူးပေါင်းရင်းမြစ်များ

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 22:43

Yesò bèm à vəwenə la, “A zhʉ a kə diʼ a lì byìʼì ghò a kəzhwì kə ŋwoʼəkə ne la ghə̀ dzàŋ wàyn wen aghèn la Bobo a? Mà bèm alə̀ byìʼàndo Devìt nlù gàʼ la,

Ŋwàʼlə̀ Mak 12:36

Kəzhwì kə ŋwoʼkə ne li Devìt gàʼ, gàʼà la, “Bobo Nyìngòŋ ngàʼa à Bobo ghom la, ŋwʉʼmə a shyə kwòŋ toghə mò əzaʼa fa tʉʼ a ma ghʉ viʼi kəbàyn wù à wù a tì aghʉ.”

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Joyn 10:3

Ghə̀ sə kəŋ kwen, wìʼ yi a ghə̀ tsɨŋ ə chʉ̀ mbàyn, ghə̀ boʼo a wen. Ali byisə ə zhʉ̀ kɨ gɨ ntsɨ̀ŋ byisə a ghèn. Ghə̀ dzàŋ, sə zhʉ̀ kɨ gɨ wen, ghə̀ lyɨ̀ fʉ nə̀ sə wensə.

Joyn 5:25

Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Shwèʼ 1:16

“Vəlèmə̀ vwomə, nyʉ̀ venə a və chò kùmə̀ Judàs tə ndiʼ chò ndi lwinsə kənyʉ̀ kì a kəzhwì kə ŋwoʼəkə ə̀ nè Foyn Devìt gàʼ və bè nyòʼ a ŋwàʼlə̀ Nyìngòŋ byìʼì Judàs a ghə̀ tə sùʼ Yesò la ntsɨ̀ŋsə ngə̀ŋ Nyìngòŋ sə ghaʼ.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Shwèʼ 8:29

Kəzhwì kə ŋwòʼəkə gàʼ à Filib la ghə̀ dyʉ̀ ə̀ boʼsə a mbyɨ̀ fənkwenkwen ayì ndi wenə̀ wìʼ ayì njèʼè dyʉ̀ a muʼu.

Hibùlù 10:15

Kəzhwì kə ə ŋwoʼkə kə diʼ mu kə diʼi laynsə a vəghəŋ la kənyʉ̀ a kenkə ə diʼ to no nəmwèʼè. Kə ncho li mbì ə gàʼ la,

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

Hibùlù 3:15

Kə diʼ to ando və nyoʼ a Ŋwàʼlə̀ Nyìngòŋ la: “Ghə̀ŋ zhʉ gɨ Nyìngòŋ layn, kə ghə̀ŋ to kətʉ ando vətiʼi vəŋə nto kətʉ ando vəwenə ndiʼ a nse zɨm.”

Hibùlù 4:7

Nyìngòŋ ə mu ghʉ̀ ə kwʉ̀ʼsə kətsi kə tsenkə lù lyɨ̀ viʼi akəshi kə zhʉ̀təkə ə wen, toŋtə kətsi na kì la, “Layn.” A ndiʼ ando Nyìngòŋ ə gàʼ a vunə Islel, no fa kəgaf kə ə dyèfə kə, ghə̀ ə be gàʼ ə chò fa Devìt, to ndə̀ŋndəŋ ando ghə̀ŋ sə diʼ mù ghə̀ŋ zhʉ li la: “Ghə̀ŋ zhʉ gɨ Nyìngòŋ layn, kə ghə̀ŋ a to kətʉ̀.”

Hibùlù 9:8

Kəzhwì kə Ŋwoʼkə ə ziʼi a vəghəŋ la ando lùm ə ngə̀ŋ mbì yì bo diʼ to diʼi ko andiʼ la və boʼo əchʉ yi, ji ko tɨmə diʼ a viʼi ə kwen Kəshi yi a kə Layn kwʉ̀ʼʉ̀.

2 Bità 1:21

Kə diʼ alə̀ byìʼì ando no tèbe kənyʉ̀ kə kò a və ə nyoʼo li a ŋwàʼlə̀ diʼ mu à ə̀ nshə̀ʼtə̀ kəzhwì kə Ŋwoʼkə Nyìngòŋ. Wìʼ ə ko ə nyoʼo kənyʉ̀ kə tsen kə byìʼì ətof ə ngeŋ ə wen.

Kəmwetə 3:20

Ghə̀ŋ zhʉtə a! Mà ti a chʉ ə ngə̀ŋ kùmtə̀, mu à zhʉ̀ tè ndò ə̀ zhʉ̀ gɨ̀ ghom ə̀ bòʼ, mà à kwen ə̀ vì yo wen ə ndiʼ a kənyʉ̀ kə mùʼ be zhɨ a muʼu.