Hibùlù 3:5 - The New Testament in the Babanki language

⁵ Mosìs ndiʼ wù shwèʼè ə jùŋ a ghə̀ nzhʉmə, shwèʼè a viʼi Nyìngòŋ, diʼi nyʉ̀ vyi a viʼi a Nyìngòŋ ə ndiʼ lù gàʼ.

Hibùlù 3:5 ပူးပေါင်းရင်းမြစ်များ

Matìyò 24:45

Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə.

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Ŋwàʼlə̀ Luk 24:27

Ghə̀ mù zìtə̀ fa Mosìs nə̀ nshə̀ʼtə̀sə no sə̀tsèm əgaʼa laynsə nyʉ̀ tsèm a və nyoʼo a ŋwàʼlə̀ Nyìngòŋ byìʼì wen. Ghə̀ mù gaʼa laynsə a vəwenə nyʉ̀ tsèm zìtə̀ fa Mosìs ədyʉ̀ a nshə̀ʼtə̀sə sətsèm nyoʼo li byìʼì wen.

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Lumans 3:21

Ali ke sə diʼ mù ghə̀ diʼi li ji yì a ghə̀ ghʉ viʼi kənyʉ̀ kətɨməkə fa tsù, ke ko kiʼi kənyʉ̀ ə ne nə̀ əsoʼ. Ŋwàʼlə̀ Əsoʼ yi a Mosìs ə nyoʼo nə̀ nshə̀ʼtə̀ sə ghoʼkəsə ə tsèntə diʼi ji a ghèn.

1 Kolìntyàns 4:2

Nò kənyʉ̀ kə tokə a viʼi ə venə diʼ la vəwenə diʼ ndiʼi, la vəwenə ə shyèʼ to no nəmwèʼè.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

Hibùlù 1:1

A ndiʼ a tʉʼ ə mughə, Nyìngòŋ ə ngaʼa a vətiʼ və vəghəŋ chò fa nshə̀ʼtə̀sə ghoʼkəsə. Ghə̀ ə ngàʼa to a jisə a jisə, nə̀ to aghayn aghayn.

Hibùlù 3:2

Ghə̀ nzhʉ li Nyìngòŋ yi a ghə̀ ntsuʼ wen to ndə̀ŋndəŋ ando Mosìs ə nzhʉ wen, ne shwèʼ a viʼi Nyìngòŋ.

Hibùlù 3:4

Vəghəŋ ə kɨ la no tèbe ngə̀ŋ ə kò diʼ mu à bwòm wìʼ ali, no əfo ə tsèm diʼ mu à shɨtə Nyìngòŋ.

Hibùlù 8:5

Əshwèʼ yì a vəwenə ne to nə̀ vəpfèm və ngə̀ŋ Nyìngòŋ diʼ to kədèmdèm kə kənyʉ̀ ki a kə diʼi akàŋ. A lə kənyʉ̀ ki a Nyìngòŋ ə nku kətyiftə a Mosìs a tʉʼ a ghə̀ ə nkəŋ ə bwòm fəngə̀ŋ fifə a Nyìngòŋ. Ghə̀ ə ngàʼà a wen la, “Tuʼmə ə shɨtə no tèbe ghò to ndə̀ŋndəŋ a ji yi a mà tə diʼi a wù a kwi pfèn.”

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!