Hibùlù 3:3 - The New Testament in the Babanki language

³ Yesò ə nkʉʼʉ li la və ngumlə̀ wen chò ando və ngumlə̀ Mosìs, ndə̀ŋndəŋ ando wìʼ a ghə̀ bwomə ngə̀ŋ diʼ və bwomsə wen əchò nkàyntə̀ ngə̀ŋ a yi.

Hibùlù 3:3 ပူးပေါင်းရင်းမြစ်များ

Matìyò 16:18

Mà sə gàʼà à wù a Bità la zhiʼi wu diʼ ə nguʼ, à diʼ a kwi nguʼ ayì a mà ne bwom ngə̀ŋ ntsèntə̀ ghom. Kədyòʼ kə pfʉ kə ko lə to chò ngə̀ŋ ayì.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

2 Kolìntyàns 3:7

Ghə̀ŋ kɨli la Əsoʼ ə ndiʼ a mbì a ŋwàʼlə̀ mu və nyoʼ a ngùʼ ali, ghə̀ diʼi baynə Nyìngòŋ. Əsoʼ ə nè li la əkə̀ʼ ə Mosìs ə nbàynə̀ no nànto, viʼi Islel ə gho ə ki, no tèbe ando ghə̀ baynə ali, lɨmə dyʉ̀ dyʉ̀. Əsoʼ ə sətsen ndiʼ mu ghə̀ diʼi li nki bayn na ghèn ali, vi nə̀ əpfʉ̀,

Kòlòsyàns 1:18

Ghə̀ diʼ kətʉ̀ kə viʼi və byɨməvə no və tsèm a diʼ to wenə wen. Ghə̀ ndiʼi mbì ə bwensə lù fa pfʉ, ə sə soʼo no gho yi.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

Hibùlù 3:4

Vəghəŋ ə kɨ la no tèbe ngə̀ŋ ə kò diʼ mu à bwòm wìʼ ali, no əfo ə tsèm diʼ mu à shɨtə Nyìngòŋ.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.