Hibùlù 3:12 - The New Testament in the Babanki language

¹² Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

Hibùlù 3:12 ပူးပေါင်းရင်းမြစ်များ

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Matìyò 24:4

Yesò gàʼ à vəwenə la,“Ghə̀ŋ tuʼmə la kə wìʼ lù lobtə ghə̀ŋ.

Ŋwàʼlə̀ Mak 13:23

Ghə̀ŋ ntùʼmə̀! Ma shəʼtə̀ li nyʉ̀ avenə no tsèm à ghə̀ŋ mibu və lù sə nchò.

Ŋwàʼlə̀ Mak 13:33

Ghə̀ŋ ntùʼmə̀ be bvʉ̀tə̀ byìʼàndo ghə̀ŋ ko kɨ zhʉ a nyʉ̀ avenə lu lyɨ kəshi.

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Lumans 11:21

byìʼì ando ghə̀ sətsen ndiʼ mu ghə̀ ə maʼa li viʼi Jus, vəwenə diʼ nkàyntə̀ təntam tə fəkoʼ a fenfə, ghə̀ ne boŋsə ə wʉ̀sə ghə̀ŋ a?

1 Kolìntyàns 10:12

Kə le diʼi la no ndò yi a ghə̀ kwòʼtə̀ la ghə̀ ti a nkàyn diʼi tùʼmə̀, kə ghə̀ na fəŋ.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

1 Tèsàlonyà 1:9

Yes ə kɨ la viʼi na venə ə zhʉ li byìʼì ando vəwenə ə gaʼa kumə ando ghə̀ŋ nshisə yes no a ji ə jùŋ ando yes nvi ə gyàmtə̀ ghə̀ŋ, be shə̀ʼtə̀ ando ghə̀ŋ əwʉ̀sə li nshəʼsə ə sə shyèʼ to a Nyìngòŋ yi a ghə̀ tsi be diʼ nəmwèʼè.

Hibùlù 10:31

Kə fwàynsə no nànto a wìʼ azhʉ̀ a Nyìngòŋ yi a ghə̀ tsi diʼ əsoʼ ə byɨbsə wen.

Hibùlù 10:38

Wù ə ghom yi a diʼ wù kənyʉ̀ kətɨməkə faŋ ə ntsi byìʼì əbyɨmə ə wen a mò. Alì mu ghə̀ sətsen bwenə fa mo əbam ko ma nà saŋlə kumə wen.”

Hibùlù 12:15

Ghə̀ŋ tuʼmə, kə wìʼ na faŋ ke yen ətyɨm ə jùŋə ghə̀ yi a Nyìngòŋ ə diʼi a wen. Ghə̀ŋ be tuʼmə, kə wìʼ ə demə fʉ̀ a ghə̀ŋ a ntìntìn, kiʼ ətyɨm ə byɨghə ə byɨbsə təkwòʼtə̀ tə viʼi.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Hibùlù 3:10

A lə kənyʉ̀ ki a ghə̀ ə fwisə tin a ənòyn viʼi na vyi ə mu gàʼ la, ‘Təkwòʼtə̀ tə vəwenə ko təmə ti a nkayn vəwenə tyenə li ndzɨ̀mtə̀ tə soʼo tyomtə.’

Hibùlù 3:19

Kə le diʼi la vəwenə nfaŋ li ko və lu kwen akəshi na yi byìʼì ando vəwenə ko byɨmə a Nyìngòŋ.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.