Hibùlù 2:9 - The New Testament in the Babanki language

⁹ Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

Hibùlù 2:9 ပူးပေါင်းရင်းမြစ်များ

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 6:28

“Byìʼì gho a ghə̀ŋ kayn mbyì byìʼì ndisə a? Ghə̀ŋ ki li to ndo əlaŋ ətoʼ ə kwi kuʼ atoʼ, bè tu a. Kò ghə̀ təmə ə shwèʼ kəfo kò la tas ə ndisə ə nə̀ mòʼ.

Ŋwàʼlə̀ Mak 9:1

Yesò bè gàʼ à viʼi a vyi la, “Mà gàʼà à ghə̀ŋ nəmwèʼè la, viʼi vətsenvə ti a shə̀ luwèn a vəwenə ko lu pfʉ no a mpfen əzaʼa fa tʉʼ a vəwenə a yen ando Nyìngòŋ soʼo foynə wen nə̀ kədyoʼkə.”

Ŋwàʼlə̀ Luk 9:27

Mà gàʼ à ghə̀ŋ nəmwèʼè la, viʼi vətsenvə ti a shə̀ luwèn, a vəwenə ko diʼ lə pfʉ no fa mpfen əzaʼa fa tʉʼ a vəwenə lu yen soʼ fòyn Nyìngòŋ.”

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Joyn 10:17

“Tìʼ ghom ə kòŋ mò byìʼàndo ma kəʼtə pfʉ̀ mibu ghə̀ be bwensə lùsə mò la mà ə ndiʼ.

Joyn 12:32

A ne ndi a zhʉ a ve ne lùsə mo fa nse, mà dzàŋ no viʼi vətsèm, və vi a mò.”

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 8:51

Ma gaʼa a ghə̀ŋ tò no nəmwèʼè la, no ndò yi a ghə̀ zhʉ ziʼi ə ghomə ə ghʉ, mu ghə̀ lu tsi faŋ.”

Joyn 8:52

Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Lumans 5:18

Wìʼ ə mùʼ ə nè mbyɨ, viʼi vətsèm ə byɨf, kə diʼ to ndə̀ŋndəŋ ando wìʼ ə mùʼ ə nè li kənyʉ̀ kə jùŋkə, Nyìngòŋ ə lyɨ viʼi vətsèm a viʼi kənyʉ̀ kətɨməkə, diʼ lu nè vəwenə ntsi diʼ.

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

2 Kolìntyàns 5:15

Yesò ə mpfʉ̀ to a viʼi və tsèm ndiʼ viʼi sə ntsi ko və be ntsi a ji yi a vəwenə kòŋ, ali ntsi to byìʼì Yesò. Kə diʼ alə̀ byìʼì ando Yesò mpfʉ̀ byìʼì vəwenə və bwensə lùsə̀ wen fa pfʉ̀.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

1 Timotì 2:6

Ghə̀ nku li wen ə wen ə pfʉ ə zen kətʉ kə viʼi və tsèm. Nyìngòŋ ə ne kənyʉ̀ a kenkə tò a yi zhʉ a ghə̀ ə kəŋ ə diʼ a nə̀ kəchwitəkə la ghə̀ kòŋ ə bwòŋsə viʼi və tsèm.

Hibùlù 1:9

Wù kòŋ to nyʉ̀ tɨməvə, bàynə̀ nyʉ̀ ə byɨvə. A le kənyʉ̀ kì a Nyìngòŋ yi a ghə̀ kiʼi wù tsuʼ li ghʉ̀ wù nə̀ ə saŋlə ghə̀ ə nè la wù kuʼmə chò no ndo a vye vəwenə diʼ.”

Hibùlù 10:5

A le kənyʉ̀ ki a andiʼ ando Yesò ə nvi a mbyi ghə̀ gàʼ a Nyìngòŋ ə la: “Wù ko kəŋ tebè la və nə̀ shyə nyamsə a wù, ko wu kəŋ la və nku kəku a wù. Wù boŋsə shɨtə wèn ghomə la mà lyɨ̀ kù a wù.

Hibùlù 11:5

Inòk ə mbyɨmə a Nyìngòŋ, kənyʉ̀ a kì ə nè, Nyìngòŋ ə lyɨ̀ wen la ghə̀ kuʼ akàŋ, ko ndiʼ la ghə̀ pfʉ li. Wìʼ ə nko ə be yen la ghə̀ dyʉ̀ fè lo byìʼì ando Nyìngòŋ ə nsə diʼ mu ghə̀ lyɨ̀ li wen. Ŋwàʼlə̀ Nyìngòŋ gàʼ la Nyìngòŋ ə nsə lyɨ̀ Inòk mu Inòk ə nè li ghə̀ sə saŋlə.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 2:7

Wu ə shɨtə wen ə ghʉ̀ wen a fəshinə fə zhʉ̀ alə, wìʼ sə ngaŋtə ko ghə̀ kwʉʼʉ no to nə̀ ntsɨŋ shəsə, fa yi bàm wù ne la ghə̀ kiʼ əbayn ə ghoʼo ghə̀ ə be ne la və nə̀ gumlə wen to nə̀ fòyn.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Hibùlù 8:3

Və ntsuʼ no tèbe pfèm ə ngə̀ŋ Nyìngòŋ ə ŋaŋtə ə kò, mu və tsuʼ la ghə̀ ə nku kəku kə viʼi a Nyìngòŋ. Pfèm ə ngə̀ŋ Nyìngòŋ ə ŋaŋtə ə vəghəŋ ə bo diʼ nkiʼ kəfo ə ku a Nyìngòŋ.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Joyn 2:2

Ghə̀ dìʼ jì a Nyìngòŋ ə̀ ncho fa tsu ə̀ lyesə ku mbyɨsə vəghəŋ. Ghə̀ ə ko lyesə ku tò mbyɨsə vəghəŋ, alì ghə̀ lyesə ku mbyɨsə viʼi mbyi no vətsèm.

Kəmwetə 19:12

Ashɨ ə wen ə̀ mbàŋə̀ to nə̀ əlwàŋ əzhiʼ, mu ghə̀ chiʼi təsòʼ tə təfòyn à wen ə kətʉ no təghoʼo. Ghə̀ ə̀ nkì əzhiʼ a və nyòʼò à wen ə̀wen kènla no wìʼ zì ghə̀ kwòʼtə̀ kɨ̀ kənyʉ̀ a ghə̀ gàʼà əchò tò wen.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.