Hibùlù 2:7 - The New Testament in the Babanki language

⁷ Wu ə shɨtə wen ə ghʉ̀ wen a fəshinə fə zhʉ̀ alə, wìʼ sə ngaŋtə ko ghə̀ kwʉʼʉ no to nə̀ ntsɨŋ shəsə, fa yi bàm wù ne la ghə̀ kiʼ əbayn ə ghoʼo ghə̀ ə be ne la və nə̀ gumlə wen to nə̀ fòyn.

Hibùlù 2:7 ပူးပေါင်းရင်းမြစ်များ

Lumans 2:10

Nyìngòŋ ə lu nè a vəwenə ali ə ku əghoʼ nə̀ əkuʼsə nə̀ mbwaʼmə no tèbe ando yi a ghə̀ tsi ntsìnə̀ ə jùŋ, zìtə̀ nə̀ viʼi Jus a mbì, kumtə nə̀ viʼi ətɨm.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.