Hibùlù 2:3 - The New Testament in the Babanki language

³ Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

Hibùlù 2:3 ပူးပေါင်းရင်းမြစ်များ

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Ŋwàʼlə̀ Mak 1:14

A ndìʼ ando və nwè Joyn a mfɨŋ, Yesò bwènə̀ kuʼ dyʉ̀ a Galìlì sə shə̀ʼtə̀ ntɨm jùŋ Nyìngòŋ tsu,

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Ŋwàʼlə̀ Luk 1:69

Ghə̀ kuli mbwòŋsə̀ ghoʼo a vəghəŋ à diʼ wù ngwaʼa ngə̀ŋ Devìt, wù shə wen,

Ŋwàʼlə̀ Luk 24:19

Ghə̀ bwènsə̀ bèm a vəwenə la “Nyʉ̀ kò?” Vəwenə gàʼ a wen la “Nyʉ̀ kumsə Yesò wu Nazalèt, a ndiʼi nshyə̀ʼtə̀ ghoʼo. Ghə̀ əgaʼa bè nè nyʉ ghoʼkəvə a Nyìngòŋ viʼi bè byɨmə.

Joyn 15:27

Ghə̀ŋ be na ngàʼà to nəmwèʼè a viʼi kumə mò byìʼàndo ghə̀ŋ tə ə ndiʼ vəghəŋ amuʼ, fa kənzìtə.

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Shwèʼ 4:12

A diʼ tò wen nyɨŋ a ghə̀ zi ghə̀ bwòŋsə viʼi fà vəwenə a mbyɨsə byìʼe Nyìngòŋ ko mbè kù wùtsen a mbi no fa a mpfen a vəghəŋ zì vəghəŋ dzàŋə zhiʼ wen ə ghə̀ bwoŋsə vəghəŋ.”

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Lumans 2:3

Ghə̀ŋ kwoʼtə la gho? La wù lə zi wu ə soʼo viʼi a nyʉ̀, ne to wenəvə, wù lù tyen ale la kə Nyìngòŋ soʼ wù a?

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Tèsàlonyà 5:3

Viʼi lu ə gàʼa la, “Mbwaʼmə diʼ, ngəʼ ko diʼ,” ngəʼ ne bvɨtə vi a vəwenə fwàynsə to alə ndə̀ŋndəŋ ando ə wùwì ne bvɨtə zhʉ əzaf ə wàyn azhʉ̀ ə bwi. Nò wìʼ fa tsu ko ne nyɨŋ.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

Taytùs 2:11

Kə diʼ alə̀ byìʼàndo Nyìngòŋ ə diʼ li boŋə tyɨm ə wen a ghə̀ ə nvi ə bwòŋsə̀ viʼi vətsèm.

Hibùlù 1:1

A ndiʼ a tʉʼ ə mughə, Nyìngòŋ ə ngaʼa a vətiʼ və vəghəŋ chò fa nshə̀ʼtə̀sə ghoʼkəsə. Ghə̀ ə ngàʼa to a jisə a jisə, nə̀ to aghayn aghayn.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

1 Joyn 1:1

Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.

Ŋwàʼlə̀ Jud 1:17

Alì, à diʼ fa ghə̀ŋ a ndoŋ shomsə jùŋ sə, ghə̀ŋ diʼ ə bwensə ə kwòʼtə̀ nyʉ̀ vyi a viʼi ntɨm ə Bobo vəghəŋ Yesò Klistò ə ngaʼa li la və lu kwʉ̀ʼ.

Kəmwetə 7:10

Vəwenə nzɨmə̀ gàʼà no a gɨ̀ ə to la, “Adìʼ Nyìngòŋ vəghəŋ a ghə̀ ŋwʉʼ a kəfwoyn wenə̀ wàyn bi njɨ̀ ghèn a və bwoŋsə̀ vəghəŋ!”