Hibùlù 2:2 - The New Testament in the Babanki language

² Vəghəŋ ə kɨ la ntɨm yì a ntsɨŋsə Nyìngòŋ sə ə nvi nə̀ wen ndiʼ nəmwèʼè. Nyìngòŋ ə ku ngəʼ yì a ghə̀ nə̀ kwʉ̀ʼ no tèbè a ndò yi a ghə̀ faŋ ke zhʉtə ntɨm na yì ə ne kənyʉ̀ a ghə̀ gaʼà.

Hibùlù 2:2 ပူးပေါင်းရင်းမြစ်များ

Shwèʼ 7:53

Andìʼ ghə̀ŋ vi a ntsɨ̀ŋsə ngə̀ŋ ə Nyìngòŋ sə nlù vì kù soʼ Nyìngòŋ, ghə̀ŋ shi, kènla ghə̀ŋ ghʉ li soʼ ayi.”

Gàlesìyà 3:19

Əshyèʼ əsoʼ lə̀ diʼ no ghò? Nyìngòŋ ə nkù Əsoʼ ə kwʉ̀ʼsə a məkàyn mèyn ndiʼ wìʼ ne fəŋə, ghə̀ kɨ la ghə̀ nè li mbyɨ. Əsoʼ ndiʼ ə ndiʼ to diʼi ə zaʼa ando wàyn a Nyìngòŋ ə ghʉ kənyʉ̀ ken byìʼì wen vi. Nyìngòŋ ntɨm ə ntsɨŋsə wen la vəwenə ku əsoʼ a Mosìs la ghə̀ chòsə̀ a viʼi. Mosìs ndiʼ wìʼ a ghə̀ nti a ntìntìn Nyìngòŋ wenə viʼi.

Hibùlù 1:1

A ndiʼ a tʉʼ ə mughə, Nyìngòŋ ə ngaʼa a vətiʼ və vəghəŋ chò fa nshə̀ʼtə̀sə ghoʼkəsə. Ghə̀ ə ngàʼa to a jisə a jisə, nə̀ to aghayn aghayn.

Hibùlù 10:28

No ndo a ghə̀ tyenə la ghə̀ ko a zhʉ Əsoʼ ə Mosìs, və diʼ sə soʼo wen nchwò nsòʼ fʉ, a diʼ viʼi və bò kò və tàʼ ə diʼ la ghə̀ nè li byɨbsə kənyʉ̀, no zhʉ̀ko, və zhwi wen ko andiʼ la və be kusə shinsə.

Hibùlù 10:35

Kə ghə̀ŋ ə kwitə tə tyɨmə ətəŋtə fa a ghə̀ŋ a əbyɨmə yi a ghə̀ŋ kiʼi a Nyìngòŋ. Ghə̀ŋ a kiʼi əmoʼtə azhʉ̀ a ghə̀ŋ zhəʼtə to a wen ə Nyìngòŋ.

Hibùlù 11:26

Mosìs ə nyen li la kə boŋsə boŋ no nànto ə və ntelə wen byìʼì Yesò chò əghoʼ yi ghə̀ nkiʼi alòʼ ə Ijìb. Ghə̀ mboŋsə ki dyʉ̀sə nə̀ əmoʼtə yi a Nyìngòŋ ə ndiʼ lù ku a wen.

Hibùlù 11:6

Wìʼ faŋ ke nkiʼi əbyɨmə ko ghə̀ a ne kənyʉ̀ kə ne Nyìngòŋ saŋlə. No ndò a ghə̀ kəŋ ə nkuʼsə Nyìngòŋ, diʼ ə byɨmə la ghə̀ diʼ, bwaʼsə viʼi vyi a və kəŋ kɨ Nyìngòŋ.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

2 Bità 1:19

A lə kənyʉ̀ ki a kə nè vəghəŋ sə shətə kɨ to no kɨ la ntɨm yì a nshə̀ʼtə̀ sə ghoʼkəsə ə shə̀ʼtə̀ kumə wen ə ndiʼ to no nəmwèʼè. Ntɨm ayi ə diʼ to nə̀ kənkàʼtə̀ kə. Ghə̀ baynə a kəbəŋ kə fenəkə. Ghə̀ŋ ə zhʉ ntɨm ayi ndi kətsi kə ə lù kwʉʼ a Yesò yi a ghə̀ baynə to nə̀ chʉzhʉ ə saʼaghə ku əbayn ə wen a ghə̀ŋ tətyɨm.

Ŋwàʼlə̀ Jud 1:5

No to ando ghə̀ŋ ə kɨli ə nyʉ̀ a venə, ali ma kòŋ ə be ə dzɨ̀ŋtə̀ ghə̀ŋ nə̀ jì a Nyìngòŋ ə nshisə viʼi Islel fa ngəʼ alòʼ ə Ijìb, a sə ndiʼ fa yi a bàm ghə̀ bwènsə̀ byɨbsə viʼi Islel vi a və nko əbyɨmə a wen.