Hibùlù 2:18 - The New Testament in the Babanki language

¹⁸ Luwen diʼ mu ghə̀ zizi ghə̀ gyamtə viʼi vyi a mwòmsə ə vi a vəwenə byìʼì ando mwòmsə mbe nvi a wen, ghə̀ yenə ngəʼ.

Hibùlù 2:18 ပူးပေါင်းရင်းမြစ်များ

Ŋwàʼlə̀ Luk 22:28

“Ghə̀ŋ diʼ viʼi a ghə̀ŋ ghaʼli tətyɨm təŋtə ə sə diʼ vəghəŋ a mò tyì ngəʼsə.

Ŋwàʼlə̀ Luk 22:53

A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Joyn 10:29

Tìʼ ghom yi a ghə̀ kù byi na sensə a mò ə chò mò. Kə lə diʼi la wìʼ zizi ko ghə̀ lu be ghaʼa shi fa kəvu ə Tìʼ ə ghom.

1 Kolìntyàns 10:13

Nò mwomsə ə tsen ghə̀ ko diʼ a ghə̀ vì a ghə̀ŋ ko andiʼ la ghə̀ tɨmə vì a wìʼ. Nyìngòŋ ə tuʼmə. Ghə̀ ko a moʼtə la mwòmsə̀ ə vi a ghə̀ to chò kədyòʼ ə kəŋkə̀. Əmwòmsə̀ ə sətsèn vì a ghə̀ŋ, ghə̀ a diʼ ji yì a ghə̀ŋ nyɨŋ fa tsù, ko mwòmsə̀ na yi a to ghoʼ ghə̀ŋ.

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

Hibùlù 5:2

Pfèm ngə̀ŋ Nyìngòŋ na ghèn ə sə bwaʼmə a viʼi vyi a və ko kɨ nyʉ̀, be ne shwèʼ byìʼì ando no wen fa wen a ngeŋ diʼ tamə wìʼ be bwaʼa.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.