အွန်လိုင်း သမ္မာကျမ်းစာ

« အရင်

နောက်တစ်ခု »

Hibùlù 2:17 - The New Testament in the Babanki language

¹⁷ A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Hibùlù 2:17
37 ပူးပေါင်းရင်းမြစ်များ

Lumans 15:17

Yo Yesò Klistò diʼ to kənyʉ̀ kəmùʼ, à lə kənyʉ̀ kì a kə nè la mà ə nàynə̀ kumə shwèʼè yì a ma nè a Nyìngòŋ.

အခန်းကိုကြည့်ပါ။

Lumans 5:10

Kə diʼ alə̀ byìʼì ando andiʼ ando vəghəŋ bo diʼ viʼi kəbayn Nyìngòŋ, Wàyn Nyìngòŋ vi ə pfʉ ə nè la vəghəŋ və Nyìngòŋ bwensə mbaʼtə ə ntsi a kənyʉ̀ kə muʼ. Kə le diʼi la luwen ando vəghəŋ sə diʼ mù və bwensə li mbaʼtə ə ntsi a kənyʉ̀ kə muʼ vəghəŋ və Nyìngòŋ, Yesò lu ne la vəghəŋ shɨtə bwòŋ mwetə nəmwèʼè byìʼì ando ghə̀ diʼ.

အခန်းကိုကြည့်ပါ။

Efisyàns 2:16

Əpfʉ ə wen a yì a kəntò ne li əbyɨf ə vəwenə mè, byìʼì nyʉ̀ a və fʉ a kəntò ə ne li ghə̀ tsentə viʼi məshò bò a wèn ə mùʼ bwensə vì nə̀ vəwenə a Nyìngòŋ.

အခန်းကိုကြည့်ပါ။

Kòlòsyàns 1:21

Ghə̀ŋ kɨli la à ndiʼ fa ambì, ghə̀ŋ ti kəghaf fa Nyìngòŋ, ka wè vəwenə fʉ a kayn byiʼə ghə̀ŋ ə kiʼ əkwoʼtə ə əbyɨghə be ne nyʉ̀ ə byɨvə,

အခန်းကိုကြည့်ပါ။

Hibùlù 10:21

Ando vəghəŋ ə kiʼi pfèm ngə̀ŋ Nyìngòŋ ə to, ghə̀ lyè no gho a ngə̀ŋ Nyìngòŋ,

အခန်းကိုကြည့်ပါ။

Hibùlù 2:11

Yesò, a ghə̀ ne la viʼi ndiʼ nə̀ laynə ashɨ Nyìngòŋ wenə viʼi na venə ə tsèntə ndiʼ to vunə Nyìngòŋ. A le kənyʉ̀ ki a Yesò toŋtə vəwenə la vəlemə, ko kətʉ̀ kə wen kə lu ndiʼi.

အခန်းကိုကြည့်ပါ။

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

အခန်းကိုကြည့်ပါ။

Hibùlù 2:16

Kə kə̀ʼə̀ to no a ndayn la ghə̀ ko vi ə gyamtə ntsɨŋsə Nyìngòŋ. Ghə̀ boŋsə vi ə gyamtə viʼi ngwaʼ ngə̀ŋ ə Ablaham.

အခန်းကိုကြည့်ပါ။

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

အခန်းကိုကြည့်ပါ။

Hibùlù 3:2

Ghə̀ nzhʉ li Nyìngòŋ yi a ghə̀ ntsuʼ wen to ndə̀ŋndəŋ ando Mosìs ə nzhʉ wen, ne shwèʼ a viʼi Nyìngòŋ.

အခန်းကိုကြည့်ပါ။

Hibùlù 3:5

Mosìs ndiʼ wù shwèʼè ə jùŋ a ghə̀ nzhʉmə, shwèʼè a viʼi Nyìngòŋ, diʼi nyʉ̀ vyi a viʼi a Nyìngòŋ ə ndiʼ lù gàʼ.

အခန်းကိုကြည့်ပါ။

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

အခန်းကိုကြည့်ပါ။

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

အခန်းကိုကြည့်ပါ။

Hibùlù 5:1

Nò pfèm ngə̀ŋ Nyìngòŋ ə ŋaŋtə ə kò a viʼi Jus ə ntsuʼ fa vəwenə a ntìntìn nlyɨ kəshi kə viʼi ashɨ Nyìngòŋ, ku kəku kə nyamsə kumə mbyɨsə vəwenə.

အခန်းကိုကြည့်ပါ။

Hibùlù 5:10

Nyìngòŋ ə nghʉ̀ wen la ghə̀ ne diʼ pfèm ngə̀ŋ Nyìngòŋ ə ŋaŋtə to a ji yi a Mèlìkisedèk ə ndiʼ fa tsu.

အခန်းကိုကြည့်ပါ။

Hibùlù 5:2

Pfèm ngə̀ŋ Nyìngòŋ na ghèn ə sə bwaʼmə a viʼi vyi a və ko kɨ nyʉ̀, be ne shwèʼ byìʼì ando no wen fa wen a ngeŋ diʼ tamə wìʼ be bwaʼa.

အခန်းကိုကြည့်ပါ။

Hibùlù 5:5

Kə lə diʼ to ndə̀ŋndəŋ ando Nyìngòŋ ə ntsuʼ Yesò a pfèm ngə̀ŋ Nyìngòŋ ə ŋaŋtə. A ko tsuʼ Yesò ə tsuʼ wenə wen ə ne shwèʼ ə kuʼmə ghə̀ na yi. Nyìngòŋ ə ngàʼa a wen la, “Wù diʼ Wàyn ghom; ə zìtə̀ fa layn, mà na diʼ Tìʼ a wù.”

အခန်းကိုကြည့်ပါ။

Hibùlù 6:20

Yesò kwen li akəshi na ghèn a ambì byìʼì vəghəŋ. Ghə̀ diʼi pfèm ə ngə̀ŋ Nyìngòŋ ə ŋaŋtə to məzhʉ̀ ə tsèm to a ji yi a Mèlìkisedèk ndiʼ fa tsù.

အခန်းကိုကြည့်ပါ။

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

အခန်းကိုကြည့်ပါ။

Hibùlù 7:28

Viʼi vi a Əsoʼ ə Mosìs mbyɨmə la və wʉ̀ vəwenə a vəpfèm və ngə̀ŋ Nyìngòŋ sə ngaŋtəsə ndiʼ to viʼi to nə̀ viʼi vətsenvə, ne mbyɨ. Alì fa yi a bàm ando ghə̀ nku li əsoʼ, Nyìngòŋ ntsuʼ li Wàyn wen a ghə̀ nsə diʼ mu ghə̀ ku li mu kàyn ə ghʉ wen a pfèm ə ngə̀ŋ Nyìngòŋ ə ŋaŋtə to ghaynə mùʼ.

အခန်းကိုကြည့်ပါ။

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

အခန်းကိုကြည့်ပါ။

Hibùlù 8:3

Və ntsuʼ no tèbe pfèm ə ngə̀ŋ Nyìngòŋ ə ŋaŋtə ə kò, mu və tsuʼ la ghə̀ ə nku kəku kə viʼi a Nyìngòŋ. Pfèm ə ngə̀ŋ Nyìngòŋ ə ŋaŋtə ə vəghəŋ ə bo diʼ nkiʼ kəfo ə ku a Nyìngòŋ.

အခန်းကိုကြည့်ပါ။

Hibùlù 9:11

Alì Yesò sə diʼ mù ghə̀ vi li. Ghə̀ diʼi pfèm ngə̀ŋ Nyìngòŋ ə ŋaŋtə yì a ghə̀ vi nə̀ nyʉ̀ ə jùŋə və vyi a vəghəŋ ə kiʼi luwen. Ghə̀ shwèʼè akəshi kə kwʉ̀ʼ, kuʼmə chò fəngə̀ŋ fifə a pfèm ə ngə̀ŋ Nyìngòŋ ə shwèʼè tsu. Kəshi na kì kə ə diʼ ko andiʼ la à shɨtə wìʼ, a ko diʼ no tèbe kəfo kə nse ashə.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ