Hibùlù 2:10 - The New Testament in the Babanki language

¹⁰ A nshɨtə Nyìngòŋ ə shɨtə no əfo ə tsèm, à sə ghaʼa to wen ghaʼa əfo na vènə luwen. Kə ndiʼ to no kə nyʉ̀ kə tɨmə kə la ghə̀ moʼtə Yesò yenə ngəʼ ə kwʉʼʉ to nə̀ wi, a yi wù mbì ndi ghə̀ nè viʼi bwòŋ ə kwen vi a ntìntìn əbaynə ghoʼo ghə̀ Nyìngòŋ, to kədə̀ŋ.

Hibùlù 2:10 ပူးပေါင်းရင်းမြစ်များ

Ŋwàʼlə̀ Luk 13:32

Ghə̀ gàʼ à vəwenə la, “Ghə̀ŋ dyʉ̀ ə shə̀ʼtə̀ à fənsòŋnə̀ a fifə la, ‘Mà dzɨ̀mə̀ zhwì byɨvə bè chʉʼ viʼi layn əkuʼ zaʼa fa boʼòngə̀ŋ. A lu ndiʼ a mətsi taʼ, mà mu myètə shwèʼè ghomə.’”

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Ŋwàʼlə̀ Luk 24:26

Nshə̀ʼtə̀sə bè ko gàʼa la kè bè ko ndiʼ la Klistò diʼi yèn ngəʼ mibu kwèn a wen a fòyn?

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Joyn 19:30

Yesò ə nyʉ məlʉ̀ʼ na myì ə gàʼ la, “Kə mè li.” No zhʉ̀ko, kəzhwì kə wenkə mu ku pfʉ.

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

Lumans 9:23

Nyìngòŋ ə sə kəŋ ə diʼ kədyòʼ kə kaynə kə ə wen a viʼi vi a ghə̀ kusə shinsə a vəwenə, à diʼ vəghəŋ vi a ghə̀ nsə diʼ mu ghə̀ ə baʼtə̀ ə ku kədyòʼ na kènkə a vəghəŋ.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

2 Kolìntyàns 5:18

Ənyʉ̀ a venə no tsèm diʼ mu à nè Nyìngòŋ a vəghəŋ, ə bwensə bàtə ntsìnə̀ vəghəŋ, vəghəŋ və wen. Ghə̀ ne alə̀ chò fa Yesò. Ghə̀ ku li shwèʼè a ghenə ə mbaʼtə ntsìnə̀sə viʼi a yès.

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

Efisyàns 3:10

Nyìngòŋ ə ne alə ndi kəzhwì nə̀ adyòʼ vyi a və tàynkə̀ chò fa kaŋ ə yenə ətof ə Nyìngòŋ yì a ghə̀ diʼi to a jisə a jisə.

Kòlòsyàns 3:4

Yesò a diʼ ə ntsìnə̀ shəŋsə. A lu ndiʼ ando ghə̀ bwenə vi a ndayn, ghə̀ŋ ndiʼ vye vəwenə ati əghoʼ ə wen.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 6:20

Yesò kwen li akəshi na ghèn a ambì byìʼì vəghəŋ. Ghə̀ diʼi pfèm ə ngə̀ŋ Nyìngòŋ ə ŋaŋtə to məzhʉ̀ ə tsèm to a ji yi a Mèlìkisedèk ndiʼ fa tsù.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

Hibùlù 7:28

Viʼi vi a Əsoʼ ə Mosìs mbyɨmə la və wʉ̀ vəwenə a vəpfèm və ngə̀ŋ Nyìngòŋ sə ngaŋtəsə ndiʼ to viʼi to nə̀ viʼi vətsenvə, ne mbyɨ. Alì fa yi a bàm ando ghə̀ nku li əsoʼ, Nyìngòŋ ntsuʼ li Wàyn wen a ghə̀ nsə diʼ mu ghə̀ ku li mu kàyn ə ghʉ wen a pfèm ə ngə̀ŋ Nyìngòŋ ə ŋaŋtə to ghaynə mùʼ.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.