Hibùlù 13:9 - The New Testament in the Babanki language

⁹ Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Hibùlù 13:9 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 24:4

Yesò gàʼ à vəwenə la,“Ghə̀ŋ tuʼmə la kə wìʼ lù lobtə ghə̀ŋ.

Ŋwàʼlə̀ Luk 5:38

Və diʼi wye məlyʉ̀ʼ mə mfimə̀ a vəsaʼ və fivə.

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 14:2

Ghə̀ŋ kɨli la wìʼ ə kiʼi əbyɨmə, a ghə̀ ne la ghə̀ zhɨ̀ no tèbe ghò, ali mu ghə̀ tsen yi a əbyɨmə ə wenə bo bwaʼa zizi ghə̀ lo to mbàsə̀, ko ghə̀ phiʼi nyàm.

Lumans 14:6

Wìʼ yi a ghə̀ yenə la kətsi kətsenkə ə kuʼmə chò kə tsenkə ə ne alə̀ ə kuʼsə Nyìngòŋ tsu. Wìʼ a ghə̀ zhɨ to fo ə tsèm ə ku kùʼsə a Nyìngòŋ byìʼì ando ghə̀ zhʉ sə nzhɨ, ghə̀ ku kəzòŋ a Nyìngòŋ. Wìʼ a ghə̀ ko bamə fo ə tsevə ə ne alə̀ be ə ku kùʼsə a Nyìngòŋ byìʼì ando ghə̀ zhʉ sə nè ali, ghə̀ ku kəzòŋ a Nyìngòŋ.

1 Kolìntyàns 6:13

Wìʼ zizi ghə̀ gàʼà la, “Ghə̀ŋ zhɨ no tèbe ghò, kə kwenə to bèm, əbèm diʼ to kəshi kə fozhɨvə.” Kə diʼ to no nəmwèʼè, ali Nyìngòŋ ə diʼ lù byɨbsə ə bèm na yi boʼsə nə̀ ə fozhɨvə. Əwèn wìʼ ko diʼ la və ə̀ ne nyʉ̀ ə kəfwaʼlə tsu, və boŋsə diʼ ə nè shyèʼ a Bobo, a diʼ Bobo a ghə tuʼmə nə̀ əwèn a yi.

1 Kolìntyàns 8:8

Əfo ə zhɨvə zizi ko və lu ne la vəghəŋ və Nyìngòŋ ə diʼ a akayn. Vəghəŋ ə tyen kə zhɨ ko vəghəŋ lu le tebè kəfo, ə zhɨ tebe zhɨ ko və lu se tebè kəfo.

2 Kolìntyàns 1:21

A ne Nyìngòŋ la vəghəŋ və tsèm ndiʼ ti to a kənyʉ̀ kə muʼ vəghəŋ və Yesò Klistò. A diʼ Nyìngòŋ a ghə̀ tsuʼ yès.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Kòlòsyàns 2:4

Ma gaʼa nyʉ̀ venə a ghə̀ŋ, ndiʼ və ne kə no to wìʼ lù lobtə ghə̀ŋ nə̀ gaʼa ə fwomə ghə̀.

2 Tèsàlonyà 2:17

Ghə̀ a nè ghə̀ŋ kiʼi ətyɨm ə zhʉ̀təghə nə̀ kədyoʼkə ə nè nyʉ̀ ə jùŋə və be gaʼa to nyʉ̀ ə jùŋə to məzhʉ̀ ə tsèm.

2 Tèsàlonyà 2:2

kə ghə̀ŋ ne moʼtə viʼi vyi a və diʼi la kətsi kì a Bobo lù vi sə diʼ mù kə vi li, ə fwàynsə ghə̀ŋ ə be boŋsə biʼ kətʉ̀ ə kəŋkə̀. Kənyʉ̀ na kènkə zizi kə ə ndiʼ mu à gàʼ wìʼ, diʼ la ghə̀ shə̀ʼtə̀ ntɨm mu ghə̀ lù fa Nyìngòŋ, zhʉ tseghə kə diʼ mu a tə fʉ̀ ziʼi ə tsen ghə̀, zhʉ tseghə kə nə̀ diʼ mù wìʼ shə̀ʼtə̀ ə gàʼ la kə fʉ a ŋwàʼlə̀ mu a nyoʼ yès ə tɨm a ghə̀ŋ.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.