Hibùlù 13:8 - The New Testament in the Babanki language

⁸ Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Hibùlù 13:8 ပူးပေါင်းရင်းမြစ်များ

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

Hibùlù 1:12

Wù lu buʼtə əfo na venə to nə̀ ndisə mùsə ə ghʉ̀ ə lyɨ̀ sə fisə. A diʼ no a wù mu wù faŋ li to ghayn mùʼ, ko andiʼ la wù lu kwitə.”

Jems 1:17

No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Kəmwetə 1:8

Bobo Nyìngòŋ ə Tìʼ àdyoʼ ə̀ tsèm yì a ghə̀ ə̀ ndìʼ, diʼ be diʼ ə lu ndiʼ gàʼ la, “Mà dìʼ ə mbì be diʼ əbam.”