Hibùlù 13:7 - The New Testament in the Babanki language

⁷ Ghə̀ŋ ə̀ nkwoʼtə tʉtʉ ə vəŋə, a və wenə tə nshə̀ʼtə̀ kənyʉ̀ kə Nyìngòŋ a ghə̀ŋ fa ambì. Ghə̀ŋ ə̀ nkwoʼtə ntsìnə̀ vəwenə nə̀ ji shisə a vəwenə mpfʉ̀ kə fa tsu. Ghə̀ŋ shəmə ntsìnə̀ əbyɨmə vəwenə a ghèn.

Hibùlù 13:7 ပူးပေါင်းရင်းမြစ်များ

Matìyò 24:45

Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə.

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Ŋwàʼlə̀ Luk 5:1

A nə̀ sə diʼ a kətsi kətsenkə, Yesò dyʉ̀ tɨmə a mbyɨ̀ mo Gènesalèt sə shə̀ʼtə̀ kənyʉ̀ kə Nyìngòŋ nòyn viʼi vì sə fosə kwenə vì əzhʉtə.

Ŋwàʼlə̀ Luk 8:11

“Kènkə diʼ kənyʉ̀ a ngàyn ghèn ziʼì. Ngwaʼ ayì diʼ tò nə̀ kənyʉ̀ kə Nyìngòŋ.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Lumans 10:17

Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

1 Kolìntyàns 10:13

Nò mwomsə ə tsen ghə̀ ko diʼ a ghə̀ vì a ghə̀ŋ ko andiʼ la ghə̀ tɨmə vì a wìʼ. Nyìngòŋ ə tuʼmə. Ghə̀ ko a moʼtə la mwòmsə̀ ə vi a ghə̀ to chò kədyòʼ ə kəŋkə̀. Əmwòmsə̀ ə sətsèn vì a ghə̀ŋ, ghə̀ a diʼ ji yì a ghə̀ŋ nyɨŋ fa tsù, ko mwòmsə̀ na yi a to ghoʼ ghə̀ŋ.

1 Kolìntyàns 11:1

Ghə̀ŋ ə shəmə ntsìnə̀ ghom ndə̀ŋndəŋ ando ma shəmə ghə̀ Yesò.

1 Kolìntyàns 4:16

Ma sə sensə ghə̀ŋ la, ghə̀ŋ ə shəmə ntsìnə̀ ghom.

Filìbàyns 3:17

Vəlèmə vwomə ghə̀ŋ nè tò ə ndzɨ̀mtə̀ ənyʉ̀ a ma nè. Ghə̀ŋ ə ntùʼtə̀ lyè viʼi vyi a və jèʼè a jisə jùŋə sə shì a yès tə̀ dìʼ la ghə̀ŋ ə njèʼè fa tsu.

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

2 Tèsàlonyà 3:7

No ghə̀ŋ fa ghə̀ŋ a təwen ə kɨ la ghə̀ŋ diʼ ə shyèʼè to ando yès ə shyèʼè. Yès ə ko tə ə bwaʼa achʉʼ a yès tə bo ndiʼ vəghəŋ.

2 Tèsàlonyà 3:9

A ko diʼ la yesə nko kiʼi kədyòʼ ə gàʼ la ghə̀ŋ loʼ yes a əshyèʼ yi a yès ə nè ali faŋ sə shyèʼ to shyèʼ ndi ghə̀ŋ shəmə ə boŋ shyèʼ to nə̀ yes.

1 Timotì 3:5

Wìʼ lə sətsen ndiʼ ke kɨ tuʼmə nə̀ ngwaʼ ngə̀ŋ wen, ghə̀ a tuʼmə nə̀ ngə̀ŋ Nyìngòŋ a?

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

Hibùlù 13:24

Ghə̀ŋ toŋtə tʉtʉ vəŋə nə̀ viʼi Nyìngòŋ no vətsèm. Viʼi və byɨməvə vyi a və tsi alòʼ ə Italì ətɨmə ətoŋtə a ghə̀ŋ.

Hibùlù 6:12

Yès ko kòŋ tebè la ghə̀ŋ ə bwaʼa. Yès ə boŋsə kəŋ to la ghə̀ŋ nshəmə viʼi vyi a və byɨmə li a Nyìngòŋ ə sə wensə, diʼ lù kiʼi kəfo kì a Nyìngòŋ ə ghʉ̀ li.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 6:9

Wàyn bi ənjɨ̀ bè bə̀ytə̀ mɨ̀ŋ tsen ə və ndiʼ vətàyn, mà yen ə̀ zhwì ə viʼi vyi a və̀ nzhwilə̀ byìʼàndo vəwenə nshə̀ʼtə̀ kənyʉ̀ kə Nyìngòŋ be ti a nə̀ viʼi və yenəvə a kənyʉ̀ ə̀ Nyìngòŋ. Vəwenə ndìʼ ati kəchiʼ kə kəku.