Hibùlù 13:3 - The New Testament in the Babanki language

³ Ghə̀ŋ nkwoʼtə viʼi vyi a və diʼi a ngə̀ŋ nfɨŋ, sə vye vəwenə diʼ amuʼ tsu. Ghə̀ŋ be nkwoʼtə viʼi vyi a və yenə ngəʼ, to sə vye vəwenə yenə ngəʼ a yi amuʼ.

Hibùlù 13:3 ပူးပေါင်းရင်းမြစ်များ

Matìyò 25:36

ndìʼ kənàʼ kə à ntsuʼ, ghə̀ŋ ku ndisə mà mòʼ. Mà nkwaʼa ghə̀ŋ tùʼmə̀ nə̀ mò və shwin mò a mfɨŋ ghə̀ŋ vì ghayntə mò.’

Matìyò 25:43

Mà ə̀ ndìʼ wu fi alì ghə̀ŋ tyen la ghə̀ŋ ko shisə mo à ghə̀ŋ a aloʼ, diʼ kənàʼ ntsuʼ ghə̀ŋ tyen la ghə̀ŋ ko a ku ndisə mà moʼ. Mà nkwaʼa, ghə̀ŋ tyen la ghə̀ŋ ko tùʼmə̀ nə̀ mò, və shwinə̀ mò a mfɨŋ ghə̀ŋ tyen la ghə̀ŋ ko vi əghayntə mo.’”

Shwèʼ 24:23

Ghə̀ gàʼ a lì mù chòsə̀ soʼ à kətʉ kə vəsugyèʼ la ghə̀ shwin Bol alì nbo kye wen ghə̀ fʉ jèʼtə̀ bè gàʼ la, kə və à ntàʼsə̀ viʼi ndoŋsə wen la kə vəwenə a vì nku fo vi à wen a ghə̀ kəŋə.

Shwèʼ 27:3

Tʉʼ lan yès dyʉ̀ zaʼa a Sidòn, Juliyòs nkìʼ tyɨm jùŋghə à Bol ə̀ ghʉ̀sə wen la ghə̀ dyʉ̀ yen viʼi ndoŋsə wen ə̀ kiʼi fo a ghə̀ nkəŋə.

Lumans 12:15

Viʼi sə saŋlə, ghə̀ŋ ə boŋ saŋlə ghə̀ŋ vəwenə, viʼi ə kusə shinsə, ghə̀ŋ mbe kusə shinsə ve vəwenə.

1 Kolìntyàns 12:26

Kəbàs kə əwèn kə mùʼ kə sətsen nə̀ kiʼ ngəʼ, a əbàs əwen ə tsèm ne ntsèntə̀ diʼ to a ngəʼ. Və sətsen ə bwomsə kəbàskə əwen kə mùʼ, a əbàs əwen ə tsèm ne saŋlə to saŋlə.

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Kòlòsyàns 4:18

A nyoʼo to no mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə kòmkə. Kə ghə̀ŋ lyesə la ma diʼ a ngə̀ŋ nfɨŋ. Nyìngòŋ ə ndiʼi ətyɨm ə jùŋə ghə̀ wen a ghə̀ŋ.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 11:37

Və temlə li zhwilə vətsevə nə̀ nguʼsə ə shyə tintə vətsevə, to kə ntìntìn ə zhwilə vətsevə nə̀ nyì ə ngwoləŋ. Vətsenəvə nko kiʼ tebè kəshi ə tsì, jèʼè chò ati ati, a gwʉsə byisə, ko andiʼ la və kiʼi əko, və tsuʼ kəghʉ kə vəwenə, nyàblə̀ nə̀ vəwenə.

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.