Hibùlù 13:20 - The New Testament in the Babanki language

^20-21 Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Hibùlù 13:20 ပူးပေါင်းရင်းမြစ်များ

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Ŋwàʼlə̀ Mak 14:24

Ghə̀ gàʼ à vəwenə la, “Mèn dìʼ mənlyuŋ mwomə̀ a və chʉ̀tə̀ byìʼì nghoʼo viʼi ə chiʼtə məkàyn mə̀ Nyìngòŋ.

Ŋwàʼlə̀ Luk 22:20

Zhʉ a vəwenə myetə̀li zhɨ, ghə̀ bè gisə̀ lyɨ̀ ndoŋ yi bè ku kəzòŋ à Nyìngòŋ ə ku a vəwenə gaʼà la “Ndoŋ ghèn diʼ ndoŋ məkàyn mə mfimə̀ a Nyìngòŋ chiʼtə nə̀ mənlyuŋ mwomə a chʉtə byìʼì ghə̀ŋ;

Joyn 10:11

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

Joyn 10:14

Ma diʼ to no ntsɨ̀ŋ byisə ə jùŋ, ma kɨ byisə shomsə, sə kɨ mò,

Shwèʼ 13:30

Nyìngòŋ nè ghə̀ lù fà pfʉ,

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Shwèʼ 4:10

Ghə̀ŋ nə̀ viʼi Islel no vətsèm diʼi ə kɨ la wìʼ ghèn a ghə̀ ti à ghə̀ŋ a shɨ lə̀ to tò byìʼì kədyòʼ kə zhiʼ Yesò Klistò ə wù Nazalèt. Yesò Klistò aghèn dìʼ wìʼ yì a ghə̀ŋ tə bàyntə a kəntò, ghə̀ pfʉ alì Nyìngòŋ lùsə̀ wen fa pfʉ.

Shwèʼ 5:30

Ghə̀ŋ tə nè la və bantə Yesò a kəntò ghə̀ pfʉ, alì Nyìngòŋ yì a vətìʼ və vəghəŋ tə nghoʼsə lì lùsə̀ wen fa pfʉ.

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Lumans 10:7

“Kə wù bèm la, a lə shiʼi dyʉ̀ ndo alòʼ ə vəmpfʉ və nse a?” Mu wù le bèmə la, a shiʼi dyʉ̀ ndò ə lùsə Yesò fa pfʉ a?

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

1 Kolìntyàns 14:33

Byìʼàndo Nyìngòŋ ə ko kòŋ la viʼi ənè nyʉ̀ to mpfen. Ghə̀ kəŋ la viʼi nə̀ tsi nə̀ mbwaʼmə. A diʼ to lə a ntsèntə̀sə viʼi Nyìngòŋ diʼi ndiʼ no tèbe fe.

1 Kolìntyàns 15:15

Kə sətsen ə ndiʼ ali, a kə ne be diʼi la yès ə zhò to ndzɨŋ kumə Nyìngòŋ byìʼì ando yès ə gàʼ la Nyìngòŋ ə nlùsə Yesò fa pfʉ. Kə sətsen ndiʼ nəmwèʼè la viʼi ko lu lù fa pfʉ, a kə a ndiʼi la ghə̀ nko lùsə wen fa pfʉ.

1 Kolìntyàns 6:14

Nyìngòŋ ə nlùsə li Bobo fa pfʉ̀, diʼ lù be lùsə nkàyntə̀ vəghəŋ chò fa wen a kədyòʼ.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 4:14

Yès diʼ ə nshə̀ʼtə̀ alə byìʼì ando yès ə kɨ la, Nyìngòŋ yi a ghə̀ nlùsə Bobo Yesò fa pfʉ̀ ə be lu lùsə vəghəŋ vi a və diʼi viʼi Yesò ə lyɨ̀ tsèntə ghʉ vəghəŋ a wen ashɨ.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Efisyàns 1:20

a diʼ kədyòʼ kə ghoʼkə a kenkə a kə mbwensə lùsə Yesò fa pfʉ, ə ghʉ wen a wenə kwoŋ ə toghə akàŋ.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

Kòlòsyàns 2:12

A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.

Hibùlù 10:29

Kə sətsen ndiʼ mu kə ndiʼ alə̀ achʉʼ ə Mosìs, kə lu ndiʼ no ale a viʼi vyi a və chasə Wàyn Nyìngòŋ a? Kə lu ndiʼ no ale a wìʼ a ghèn a ghə̀ faŋ ke lyɨ̀ mənlyuŋ mì a Nyìngòŋ ə zhɨ̀ məkàyn ə shʉ̀ ə laynsə mbyɨsə wen a kənyʉ̀ a? Kə lu ndiʼ no ale a wìʼ a ghèn a ghə̀ telə kəzhwì kə Nyìngòŋ, a diʼ kəwenkə a kə diʼi ətyɨm ə jùŋə ghə̀ Nyìngòŋ a?

Hibùlù 9:20

Ghə̀ ə mesə viʼi tsu gàʼa la, “Mənlyuŋ mèyn ə kwiʼ məkàyn mə Nyìngòŋ vye vəwenə, be gàʼa la ghə̀ŋ shɨtə ghaʼ məkàyn a mèyn.”

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.