Hibùlù 13:2 - The New Testament in the Babanki language

² Kə ghə̀ŋ ne lyesə ə nshɨtə shisə viʼi ghayn a ghə̀ŋ a loʼ byìʼì ando viʼi vətsevə nshɨtə li ə shisə viʼi ali, ko vəwenə kɨ la vəwenə shisə a diʼ ətsɨŋsə ngə̀ŋ Nyìngòŋ.

Hibùlù 13:2 ပူးပေါင်းရင်းမြစ်များ

Matìyò 25:35

byìʼàndo jɨ̀ŋ nzafə mò ghə̀ŋ ku fo zhɨvə à mò, toŋ à mù nzhɨmə mò ghə̀ŋ ku mu mà nyʉ. Mà ndìʼ wu fi a kəshi ghə̀ŋ shisə mo à ghə̀ŋ a aloʼ,

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 25:43

Mà ə̀ ndìʼ wu fi alì ghə̀ŋ tyen la ghə̀ŋ ko shisə mo à ghə̀ŋ a aloʼ, diʼ kənàʼ ntsuʼ ghə̀ŋ tyen la ghə̀ŋ ko a ku ndisə mà moʼ. Mà nkwaʼa, ghə̀ŋ tyen la ghə̀ŋ ko tùʼmə̀ nə̀ mò, və shwinə̀ mò a mfɨŋ ghə̀ŋ tyen la ghə̀ŋ ko vi əghayntə mo.’”

Shwèʼ 16:15

Və ku mu à wen bènə̀ à viʼi vi a wenə̀ vəwenə ntsi a muʼu. Ghə̀ mù gàʼ à yès la, “Ghə̀ŋ vi lì ntsi a mò a ngə̀ŋ, ando ghə̀ŋ yen li la mà byɨmə li nəmwèʼè à Bobo lə̀.” Ghə̀ faŋ ə̀ sə̀ sensə̀ yès tò sensə, yès kaʼa dyʉ̀.

Lumans 12:13

Ghə̀ŋ ə gətə fozhɨvə ə ghə̀ŋ ku viʼi və byɨməvə vi a və ko kiʼ. Ghə̀ŋ myəʼsə ə shisə viʼi və a ghə̀ŋ a loʼ.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

1 Timotì 3:2

Kətʉ a ken diʼ ndiʼ wìʼ a viʼi ko ghàmə̀ wen, ghə̀ diʼ ə nkiʼ tò wùwì ə mùʼ, kɨ ə ghaʼ wenə wen, bwaʼsə tyɨm wen, zhʉmə, tùʼmə̀ nə̀ viʼi ghayn, bè kɨ ə ziʼi viʼi və byɨməvə no a nkàyn.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

Taytùs 1:8

Ghə̀ diʼ ndiʼ wìʼ a ghə̀ shisə̀ viʼi ghayn, be kòŋə̀ ə nè nyʉ̀ juŋəvə. Ghə̀ diʼ ndiʼ wìʼ a ghə̀ kɨ əghaʼa wenə wen be diʼ wù kənyʉ̀ kə tɨməkə, laynə be kiʼ ətyɨm ə bwaʼmə ghə̀.

1 Bità 4:9

Ghə̀ŋ ə shɨtə shisə vəlemə vəŋə a ghə̀ŋ a loʼ to no nə̀ ətyɨm ə mùʼ, ko ghə̀ŋ dèmkə̀.

3 Joyn 1:5

Wù shɨtə ə nè tò shyèʼ jùŋ ghə̀ a wù kòŋ ə̀ mò, a zhʉ a wù shwèʼè a vəlèmə̀ no tè a zhʉ a diʼ viʼi a wù ko kɨ,