Hibùlù 13:18 - The New Testament in the Babanki language

¹⁸ Ghə̀ŋ ne jɨ̀mə̀ to jɨ̀mə̀ a yès. Yès ə kɨ la tətyɨm tyestə ə laynə, yès kəŋ ə ne to kənyʉ̀ kəjuŋkə to mənzhʉ̀ ntsèm.

Hibùlù 13:18 ပူးပေါင်းရင်းမြစ်များ

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 24:16

A le kənyʉ̀ a kə ne mà sə mwòmsə no məzhʉ̀ ntsèm nkiʼ ətyɨm ə laynə ghə̀ a shɨ Nyìngòŋ bènə̀ a shɨ viʼi.

Lumans 12:17

Kə ghə̀ŋ be lù bwensə mbyɨ nə̀ mbyɨ. Ghə̀ŋ ə boŋsə mwomsə ə ne nyʉ̀ vyi a və bòŋ a viʼi və tsèm.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

Lumans 15:30

Ma sensə ghə̀ŋ a vəlemə vwomə la ghə̀ŋ ə jɨ̀mə̀ a mò no nə̀ kədyoʼkə. Ghə̀ŋ ə jɨ̀mə̀ byìʼì ando vəghəŋ ə kiʼi to əbyɨmə ə mùʼ a Bobo vəghəŋ Yesò Klistò, kəzhwì kə Ŋwoʼkə be nè la vəghəŋ ə̀ kòŋ təwen tə vəghəŋ.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

1 Tèsàlonyà 4:12

Ghə̀ŋ sətsen ə nè alə viʼi vi à ko diʼ viʼi və byɨməvə nə̀ gumlə ghə̀ŋ, ghə̀ŋ nə̀ zhɨ̀ to byìʼì kəzhʉʼsə ə kəŋkə̀, ko wu a nki tebè wìʼ.

1 Tèsàlonyà 5:25

Vəlemə, ghə̀ŋ nə̀ jɨ̀mə̀ a yès.

2 Tèsàlonyà 3:1

Ə mwetə a vəlemə vyesə, yès ə gàʼa la ghə̀ŋ ə njɨ̀mə̀ a yès ndi yès nè la ntɨm ə jùŋ ə Bobo kwi dyʉ̀ to shì ə tsèm ndi viʼi byɨmə ə nku əkuʼsə a Nyìngòŋ ndə̀ŋndəŋ ando ghə̀ŋ tə byɨmə ə sə ku.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 3:16

Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.