Hibùlù 13:14 - The New Testament in the Babanki language

¹⁴ Vəghəŋ nkɨ la ntə̀ʼ ə tsen ko diʼ a mbyi ashə a vəghəŋ lu tsì fàŋ tsu. Vəghəŋ bo ki dyʉ̀sə nə̀ ntə̀ʼ yi a diʼ ghə̀ vəghəŋ a vəghəŋ ə bo lu kwen tsu ghə̀ bo diʼ ə na vì vi.

Hibùlù 13:14 ပူးပေါင်းရင်းမြစ်များ

1 Kolìntyàns 7:29

Nò kənyʉ̀ kì a ma gàʼà a vəlemə vwomə, diʼ la, zhʉ̀ yi a və ghʉ̀ sə diʼ mù ghə̀ boʼsə li. Ə zìtə̀ fa luwèn ə dyʉ̀ nə̀ mbì, viʼi vyi a və kiʼi ki diʼ ə̀ ntsi to sə vəwenə ko kiʼ,

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Efisyàns 2:19

Kə le diʼi la ghə̀ŋ viʼi ətɨm ko be diʼ viʼi və vi və, ghə̀ŋ sə diʼ to viʼi loʼ ə mùʼ vye viʼi Nyìngòŋ, be diʼ viʼi ngwaʼ ngə̀ŋ ə Nyìngòŋ.

Filìbàyns 3:20

Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 12:27

Ə gàʼ la ghə̀ be na nə̀ʼə̀ kuʼsə no tèbe nə ghò a ghə̀ shɨtə və fəŋ kə kù ji a əfo vi a və zizi ko və lu nə̀ʼkə̀.

Hibùlù 2:5

Nyìngòŋ ə ko ə ghʉ̀ la à lu ə nsoʼo ntsɨŋsə wen soʼo mbyi ə fi yì a ghə̀ diʼ lu vì, à yi yì a yès ə gaʼa kumə wen.

Hibùlù 4:9

Kə le diʼi la kəshi kə ə bo diʼ a viʼi Nyìngòŋ lù kwen tsu ə kiʼi ə nzhʉtə to ndə̀ŋndəŋ ando Nyìngòŋ ə nzhʉ̀tə li a mətsi sòmbo.

Hibùlù 9:11

Alì Yesò sə diʼ mù ghə̀ vi li. Ghə̀ diʼi pfèm ngə̀ŋ Nyìngòŋ ə ŋaŋtə yì a ghə̀ vi nə̀ nyʉ̀ ə jùŋə və vyi a vəghəŋ ə kiʼi luwen. Ghə̀ shwèʼè akəshi kə kwʉ̀ʼ, kuʼmə chò fəngə̀ŋ fifə a pfèm ə ngə̀ŋ Nyìngòŋ ə shwèʼè tsu. Kəshi na kì kə ə diʼ ko andiʼ la à shɨtə wìʼ, a ko diʼ no tèbe kəfo kə nse ashə.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.