Hibùlù 13:13 - The New Testament in the Babanki language

¹³ Kə le diʼi la vəghəŋ diʼ fʉ̀ fa ntə̀ʼ ando ghə̀ fʉ, ə be kiʼi ndə̀ŋndəŋ kətʉ kədiʼikə ando ghə̀ nki.

Hibùlù 13:13 ပူးပေါင်းရင်းမြစ်များ

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Matìyò 27:32

Vəwenə nè sə ndyʉ̀ ə̀ yèn wù Klen tsen a zhiʼ wen ndìʼ Simon ə̀ kàn la ghə̀ bwèʼè kəntò kə Yesò.

Matìyò 5:11

Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

Ŋwàʼlə̀ Luk 9:23

Yesò gàʼ alì mù gàʼ à nòyn viʼi vyi a və nvì lì la, “No məndò a ghə̀ kəŋ dzɨ̀mtə̀ mo, ghə̀ diʼi tyen ngə̀ŋ kətʉ wen ə byèʼè kəntò kə wen no məntsi ntsèm ə dzɨ̀mtə̀ mo.

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

Hibùlù 11:26

Mosìs ə nyen li la kə boŋsə boŋ no nànto ə və ntelə wen byìʼì Yesò chò əghoʼ yi ghə̀ nkiʼi alòʼ ə Ijìb. Ghə̀ mboŋsə ki dyʉ̀sə nə̀ əmoʼtə yi a Nyìngòŋ ə ndiʼ lù ku a wen.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 12:3

Ghə̀ŋ nkwoʼtə ji yì a Yesò nyenə ngəʼ fa tsù avù ə viʼi nyʉ̀ ə byɨvə ali ə sə wensə to wensə. Ghə̀ŋ nkwoʼtə ndiʼ kə kənyʉ̀ kə be a gubtə̀ ghə̀ŋ la ghə̀ŋ bwaʼ.

Hibùlù 12:4

Kə diʼ nəmwèʼè la ghə̀ŋ soynə mbyɨ fa ghə̀ŋ a ntsìnə̀sə ali wìʼ ə ko tɨmə ə pfʉ fa ghə̀ŋ a ntìntìn byìʼì ngəʼ na ghèn.

1 Bità 4:4

Luwen sə diʼ viʼi vyi a və ko kɨ Nyìngòŋ diʼ nə̀ əkaynə ə la ghə̀ŋ ko zhɨmə tebè vyi vəwenə, ko be tsi tebè ntsìnə̀ ə byɨ ə vəwenə na yì. Nakènkə ə nè li, vəwenə sə telə ghə̀ŋ.