Hibùlù 12:3 - The New Testament in the Babanki language

³ Ghə̀ŋ nkwoʼtə ji yì a Yesò nyenə ngəʼ fa tsù avù ə viʼi nyʉ̀ ə byɨvə ali ə sə wensə to wensə. Ghə̀ŋ nkwoʼtə ndiʼ kə kənyʉ̀ kə be a gubtə̀ ghə̀ŋ la ghə̀ŋ bwaʼ.

Hibùlù 12:3 ပူးပေါင်းရင်းမြစ်များ

Matìyò 11:19

Wàyn Wìʼ nvi sə zhɨ bè nyʉ, və ngàʼ la ghə̀ yi a ghə̀ zhɨ chò, nyʉ chò be diʼ ndoŋ wenə̀ viʼi tinə kənsè bènə̀ viʼi və byɨvə vətsenvə! tè a lì tof Nyìngòŋ dìʼì la ghə̀ diʼ nəmwèʼè à viʼi a və dzɨ̀mtə̀ wenə ghə̀.”

Matìyò 12:24

Viʼi Falàsi zhʉ kənyʉ̀ akì mù sə gàʼà la, “A ku fòyn zhwì byɨvə a dìʼì Belzibùl ku kədyòʼ à wen la ghə̀ ndzɨ̀mə̀ shìsə̀ zhwi byɨvə avenə.”

Matìyò 15:2

“Byìʼì ghò a ndzɨ̀mtə̀sə bàm wù sə ko tsi ntsìnə̀ vətìʼ və vəghəŋ a? Vəwenə nə̀ mbʉʼsə nzhɨ kò vəwenə lə shʉ̀ avu vəwenə.”

Matìyò 21:23

Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Matìyò 21:46

vəwenə mù sə̀ kəŋə jì əghaʼ wen alì sə fàynə̀ nòyn viʼi yì a ghə̀ ndiʼì tsu byìʼàndo nòyn ayi nlyɨ̀ wen anə̀ nshə̀ʼtə̀ ghoʼo.

Matìyò 22:15

Və Falàsi vətsenvə lù dyʉ̀ zhùŋtə̀ sə baʼtə̀ jì ndi nè la Yesò gàʼ shwè və ghaʼ wen,

Ŋwàʼlə̀ Luk 14:1

A ndiʼ a kətsi kəzhʉ̀tə kətsenkə,Yesò lù ə dyʉ̀ zhɨ a ngə̀ŋ wutsen a ndiʼ kətʉ kə viʼi Falàsi. Viʼi a və ndiʼ tsu ghʉ ashɨ a wen Yesò no ando.

Ŋwàʼlə̀ Luk 15:2

Viʼi Falàsi vətsenvə bènə̀ ndìʼsə̀sə təsoʼ yen alì mù sə demkə be taŋmə gàʼà la “Wìʼ ghèn byɨmə la viʼi nè nyʉ̀ byɨvə vi a wen a mbyɨ̀ be zhɨ tə̀ wenə vəwenə”.

Ŋwàʼlə̀ Luk 16:14

Viʼi Falàsi vətsen və zhʉ alì mù sə chəʼə Yesò byiʼ ando vəwenə nkòŋə̀ ko.

Ŋwàʼlə̀ Luk 2:34

Simon bwaʼsə vəwenə mù gàʼ a Mèli la “Zhʉtə à! Nyìngòŋ tsuʼli wàyn la ghə̀ byɨsə bè bwòŋsə nghoʼo viʼi a loʼo Islel. Ghə̀ lu ndiʼ nchwi fa Nyìngòŋ a və lu ngàʼlə byìʼì wen,

Ŋwàʼlə̀ Luk 5:21

Ndìʼsə̀ sə təsoʼ nə̀ və Falàsi zìtə̀ sə bèmə̀ à vəwenə ntyìntyìn la, “Ghèn diʼ ndo a ghə̀ telə̀ Nyìngòŋ alə̀ a? A lə zì a lyesə ku ndo mbyɨsə wìʼ, chò tò Nyìngòŋ a?”

Joyn 10:20

Viʼi ə gaʼa to kədə̀ŋ la, “Ghə̀ kiʼi kəzhwì kə kəbyɨkə, sùtə̀ bomə no bomə. Ghə̀ŋ zhʉtə ghò fa wen a?”

Joyn 18:22

Ando Yesò ə ngàʼa vì alə, sugyèʼ tsen ghòm kəvu a wen a kə̀ʼ ə bèm a wen la, “Wù dìʼ ale ə gaʼa a pfem ngə̀ŋ Nyìngòŋ ə ŋaŋtə alə a?”

Joyn 5:16

Vəwenə zìtə̀ ə sə tenlə nə̀ Yesò byìʼì ando ghə̀ chʉʼ wìʼ a kətsi kə chʉʼ lòʼ.

Joyn 7:12

Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Joyn 8:13

Viʼi Falàsi na venə ə gàʼ a wen la, “wu gaʼa to byìʼì ngə̀ŋ kətʉ wù, kə le diʼ la kənyʉ̀ a wu gàʼ ko tɨmə no fa mpfen.”

Joyn 8:52

Vəwenə ə gàʼ a wen la, “Yès ə mu sùtə̀ nkɨ luwen la wu kiʼi kəzhwì kə kəbyɨkə! Ablaham nə̀ nshə̀ʼtə̀sə ghoʼkəsə ə mpfʉ̀kəli, ali wù sə gàʼa la, no ndo yi a ghə̀ ghʉ kənyʉ̀ a wù ziʼi mu ghə̀ ko be lu pfʉ.

Joyn 8:59

Nò zhʉ̀ko vəwenə boŋtə nguʼsə ə sə kəŋ ə temlə Yesò nə̀ səwensə, ali Yesò ə lyen ə fʉ̀ fa kəbəŋ kə ngə̀ŋ Nyìngòŋ.

Joyn 9:40

Viʼi Falàsi vətsenvə a və ndiʼ tsu ə bèm a wen la, “Wù gaʼa, kə diʼ la yès be fyɨfkə mu?”

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

2 Kolìntyàns 4:1

Ando Nyìngòŋ ə kusə li shinsə a yès nku shyèʼ ghənə la yès ə nè, yès zizi ko və lu be bwaʼ ə nè.

2 Kolìntyàns 4:16

A le kənyʉ̀ ki a yès ə ko bwaʼ ə nè shwèʼè a ghenə. Nò tèbe ando njòsə əwen ə yès sə bwaʼa dyʉ̀, Nyìngòŋ ə ku kədyòʼ a yès a tətyɨm to məzhʉ̀ ə tsèm.

Gàlesìyà 6:9

Kə vəghəŋ a bwaʼ ə nè jùŋ, byìʼì ando vəghəŋ sətsen faŋ ke bwaʼ, kətsi kə tsen lù kwʉ̀ʼ, a vəghəŋ pfi nyʉ̀ jùŋ və to kədə̀ŋ.

2 Tèsàlonyà 3:13

A ghə̀ŋ a vəlemə, kə ghə̀ŋ bwaʼ, ghə̀ŋ ə nè to nyʉ̀ ə jùŋə və.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 12:5

Kə ghə̀ŋ lyesə gaʼa yì a Nyìngòŋ ə ngàʼa ə lɨ̀msə̀ ghə̀ŋ. Ghə̀ toŋtə ghə̀ŋ la vunə wen ə gàʼ la: “Wàyn ghom, Bobo sə ku ngəʼ a wù, tisə wù tisə, wù ntuʼtə̀ zhʉ̀tə. Ghə̀ zhʉsə nghòmə wù to nə̀ Tiʼi wù, kə wù bwaʼ.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

1 Bità 2:23

A ndiʼ no tèbe ando və ntelə wen, ghə̀ nko bwensə. A ndiʼ ando və kù ngəʼ a wen, ghə̀ nko ə kàyntə̀ kənyʉ̀. Ghə̀ mbòŋsə ku wen ə wen a Nyìngòŋ yi a ghə̀ soʼo a ji ə tɨmə.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,