Hibùlù 12:22 - The New Testament in the Babanki language

²² Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 12:22 ပူးပေါင်းရင်းမြစ်များ

Filìbàyns 3:20

Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

Gàlesìyà 4:26

Sèla lyɨ kəshi kə Jelusalèm yì a ghə̀ diʼi akàŋ, ko ghə̀ diʼ kəkòs. Ghə̀ diʼ lì vəghəŋ.

Kəmwetə 14:1

Mo Joyn sə ki ə̀ kɨ̀blə̀ yèn wàyn bi njɨ̀ ghə̀ ti a pfèn Zayòn wenə viʼi wen nkam nə̀ sə ghɨ nə̀ njʉ̀sə̀ kàʼ a məwum ə̀ nkàʼ. Vəwenə ndìʼ mu vəwenə nyòʼò li əzhiʼ wen nə̀ əzhiʼ Tìʼ wen à vəwenə təchʉ̀ tətʉ.

Kəmwetə 21:2

Ma mu yen ndo Nyìngòŋ ə tensə Ntə̀ʼ ə laynə andiʼ Jelusalèm ə fi, ghə̀ sə shiʼi vi fa kàŋ mu və shɨtə li làbsɨ wen sə və làbsɨ wùwì la ghə̀ dyʉ̀ yèyn lɨmə wen.

Kəmwetə 22:19

à fàbtə̀ no ndo kənyʉ̀ a ntìntìn nyʉ̀ na ghèn a və diʼi a ŋwàʼlə̀ ashə, a Nyìngòŋ ə shi ə fə wen ashɨ fəkoʼ yi a ghə̀ fəŋ fa fəkoʼ yi a fə kù bwoŋ be shi tamə kəshi kə wen fa Ntə̀ʼ ə laynə yi a və nyoʼ a ŋwàʼlə̀ ashə.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.

Hibùlù 13:14

Vəghəŋ nkɨ la ntə̀ʼ ə tsen ko diʼ a mbyi ashə a vəghəŋ lu tsì fàŋ tsu. Vəghəŋ bo ki dyʉ̀sə nə̀ ntə̀ʼ yi a diʼ ghə̀ vəghəŋ a vəghəŋ ə bo lu kwen tsu ghə̀ bo diʼ ə na vì vi.

Hibùlù 11:10

Ablaham ə̀ nki dyʉ̀sə nə̀ ntə̀ʼ yi a Nyìngòŋ ə nlyɨ̀ əzhʉ̀ ə bwòm ə kuʼsə, ghə̀ diʼ mù ghə̀ zizi ko ghə̀ lu fəŋ.

Kəmwetə 21:10

Kəzhwì kə Ŋwoʼkə be ghaʼ kwoʼtə ə ghomə, Ntsɨŋ Nyìngòŋ na yì ə lyɨ̀ kuʼ nə̀ mò akwi phèn ə tsen, ghə̀ dyef to alə, ə diʼ Jelusalèm a mò, mu à le Ntə̀ʼ ə laynə a ghə̀ lù fa kàŋ ə sə shiʼi vi.

Kəmwetə 7:2

Mà bè yèn ntsɨ̀ŋ ngə̀ŋ ə̀ Nyìngòŋ ə tsen, ghə̀ kuʼ ə̀ vì fa shyə a chʉzhʉ ə saʼa fa tsu, kiʼ kəfo a Nyìngòŋ a ghə̀ ko lu pfʉ ə chwìtə̀ viʼi tsu. Ntɨ̀ŋ ayì zɨmə̀ dzàŋ ntsɨ̀ŋsə ngə̀ŋ ə̀ Nyìngòŋ shì sə̀ kàʼ a Nyìngòŋ ə̀ nku li àdyoʼ à vəwenə la vəwenə byɨsə nse bènə̀ mu no a gɨ to

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Hibùlù 10:31

Kə fwàynsə no nànto a wìʼ azhʉ̀ a Nyìngòŋ yi a ghə̀ tsi diʼ əsoʼ ə byɨbsə wen.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

1 Tèsàlonyà 1:9

Yes ə kɨ la viʼi na venə ə zhʉ li byìʼì ando vəwenə ə gaʼa kumə ando ghə̀ŋ nshisə yes no a ji ə jùŋ ando yes nvi ə gyàmtə̀ ghə̀ŋ, be shə̀ʼtə̀ ando ghə̀ŋ əwʉ̀sə li nshəʼsə ə sə shyèʼ to a Nyìngòŋ yi a ghə̀ tsi be diʼ nəmwèʼè.

Lumans 11:26

Kə le diʼi la Nyìngòŋ ne ə bwòŋsə viʼi Islel tò və tsèm tò ndə̀ŋndəŋ ando və nyoʼ a Ŋwàʼlə̀ Nyìngòŋ la: “Mbwòŋsə̀ lu fʉ̀ fa ntə̀ʼ Zayòn. Ghə̀ lu shʉ̀ lyesə mbyɨsə viʼi ngwaʼ ngə̀ŋ ə Jàkob.”

Lumans 9:26

Və lu dyʉ̀ a viʼi vyi a və tə ə gàʼa la vəwenə ko diʼ tebè vunə vwomə ə tòŋtə vəwenə la vunə vwomə, ə mo Nyìngòŋ yi a ghə̀ tsi.”

Matìyò 5:35

Kə wìʼ à kàyn a nsè byiʼàndo à kiʼ kəshi kì a Nyìngòŋ tomtə̀ aghʉ wen tsu. Kə wìʼ lu kàyn a Jelusalèm byiʼàndo à diʼ ntə̀ʼ Nyìngòŋ a diʼì fòyn ghoʼo,

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Efisyàns 2:19

Kə le diʼi la ghə̀ŋ viʼi ətɨm ko be diʼ viʼi və vi və, ghə̀ŋ sə diʼ to viʼi loʼ ə mùʼ vye viʼi Nyìngòŋ, be diʼ viʼi ngwaʼ ngə̀ŋ ə Nyìngòŋ.

2 Timotì 4:18

Mà kɨ la Bobo a mbwòŋsə̀ mò no fa nyʉ̀ byɨvə no tsèm ə bè lyɨ̀ mò ə mà shɨ̀tə̀ jèʼ kwen akəshi kə fòyn ə̀ wen a kaŋ. Viʼi ə nkuʼsə wen no məzhʉ ntsèm. Amèyn.

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.