Hibùlù 11:8 - The New Testament in the Babanki language

⁸ Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 11:8 ပူးပေါင်းရင်းမြစ်များ

Matìyò 2:21

No a zhʉ kò Josèf lù ə lyɨ̀ wàyn wenə lì wen, vəwenə bwènə̀ pfwo a loʼ Islel.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 10:16

Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

2 Kolìntyàns 10:5

Yès ə byɨbsə kəngùmə̀ kì a vi kuʼsə wen nè la kə viʼi kɨ Nyìngòŋ. Yès ə tisə təkwòʼtə̀ tə viʼi, ne la vəwenə kwoʼtə nyʉ̀ a ji yi a Yesò ə kəŋ la və nkwoʼtə fa tsu.

Hibùlù 11:33

Viʼi a venə əbyɨmə li a Nyìngòŋ, vətsevə temə zhɨ̀ təloʼ a ghòŋ, vətsevə sə be tsi ntsìnə̀ kənyʉ̀ kətɨməkə ashɨ Nyìngòŋ, vətsevə nkiʼi əfo vi a Nyìngòŋ ə nghʉ̀. Vəwenə vətsenəvə nchiʼ tə li təchʉ̀ tə nyamsə kəbo la kə sə phiʼ vəwenə.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?