Hibùlù 11:7 - The New Testament in the Babanki language

⁷ Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 11:7 ပူးပေါင်းရင်းမြစ်များ

Matìyò 2:12

Vəwenə nè fʉ a məpfwo, pfwo fa jì kədyàŋ ando Nyìngòŋ ntyɨftəli wen a jòm la kə vəwenə be a bwènə̀ dyʉ̀ a Helòd.

Matìyò 24:15

“Zhʉ a ghə̀ŋ a yen kəfo kə faynsə kì a kə fwàʼlə̀ a nshə̀ʼtə̀ Danye ngaʼà byìʼì kəwenkə, ti a kəshi kə laynə kə, (wìʼ a ghə̀ dzàŋə̀ diʼi kɨ).

Matìyò 24:25

Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.

Matìyò 24:38

A ndiʼ a mətsi mibu kənkuŋ kə nsə vì a mbi, viʼi nzhɨ, nyʉ, lamə be ku vunə a və lɨmə, əkuʼ zaʼa a kətsi a Nuwà nkwen a kəbaŋ.

Matìyò 3:7

Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Ŋwàʼlə̀ Luk 17:26

Wàyn Wìʼ nlù sə nvi, nyʉ̀ chò ando və ncho a tʉʼ Nuwà.

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Lumans 10:6

Alì, ji yi a viʼi ə diʼ nti a nkàyn shɨ Nyìngòŋ fa tsu diʼ byìʼì əbyɨmə, a ko diʼ byìʼì ə əsoʼ. Və nyoʼ li a Ŋwàʼlə̀ Nyìngòŋ la, “kə wù bèm a wenə wù la, a lə kuʼ ndo akàŋ a?” Mu wù le bèmə la, a kuʼ ndo ə lyɨ̀ ə shiʼsə nə̀ Yesò a?

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Lumans 4:11

Və ə shɨtə ndyə̀ wen to a nchwi ə diʼ la Nyìngòŋ ə lyɨ̀ li wen a wù kənyʉ̀ kətɨməkə. Ghə̀ lyɨ wen a wù kənyʉ̀ kətɨməkə byìʼì byɨmə yì a ghə̀ nkiʼi. Kə fʉ̀ alə ndi ghə̀ ndiʼ tìʼ a viʼi vyi a və byɨmə, Nyìngòŋ ə boŋ lyɨ̀ və wen a viʼi kənyʉ̀ kətɨməkə byìʼì byɨmə ə vəwenə a ko ndiʼ la və shɨtə a diʼ ndyə̀ vəwenə.

Lumans 4:13

Nyìngòŋ ə wʉ̀ a Ablaham wenə ngwaʼ ə ngə̀ŋ ə wen la ghə̀ lu ku mbi a vəwenə, a kodiʼ byìʼì ando vəwenə ə zhʉtə Əsoʼ. A ndiʼ byìʼì ando ghə̀ byɨmə Nyìngòŋ, ghə̀ lyɨ̀ wen a wù kənyʉ̀ kətɨməkə.

Lumans 9:30

Vəghəŋ zizi və gàʼ la ghò? Vəghəŋ zizi və gàʼ la no tèbe ando viʼi ətɨm ə tə sə tsi ko və lu kəŋ jì ə ndiʼ viʼi kənyʉ̀ kətɨməkə a shɨ Nyìngòŋ, vəwenə sə boŋsə diʼ luwen byìʼì əbyɨmə ə vəwenə,

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

Hibùlù 11:1

Ə kiʼ əbyɨmə a Nyìngòŋ diʼ ə nkɨ nəmwèʼè la wù lu kiʼi kəfo kì a wù ki kəʼtə kəwenkə, kɨ la wu ne kiʼi no tèbe ando wù ko tɨmə ə yen kəfo a kì nə̀ əshɨ.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

Hibùlù 8:5

Əshwèʼ yì a vəwenə ne to nə̀ vəpfèm və ngə̀ŋ Nyìngòŋ diʼ to kədèmdèm kə kənyʉ̀ ki a kə diʼi akàŋ. A lə kənyʉ̀ ki a Nyìngòŋ ə nku kətyiftə a Mosìs a tʉʼ a ghə̀ ə nkəŋ ə bwòm fəngə̀ŋ fifə a Nyìngòŋ. Ghə̀ ə ngàʼà a wen la, “Tuʼmə ə shɨtə no tèbe ghò to ndə̀ŋndəŋ a ji yi a mà tə diʼi a wù a kwi pfèn.”

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 2:5

Nyìngòŋ ə nko ə̀ moʼtə viʼi mbyi a tʉʼ ə mbì ke ku ngəʼ a vəwenə. Ghə̀ ə mbyɨsə li viʼi vyi a və ko zhʉtə tebè wen nə̀ kəkuŋkə, a bwòŋ to Nuwà, ando ghə̀ nziʼi kumə ntsìnə̀ ətɨmə, wenə viʼi vətsenvə sòmbo.

2 Bità 3:6

Nyìngòŋ lyɨ̀ li to mu a menmə ə byɨbsə mbi tsu a tʉʼ ə mughə.