Hibùlù 11:40 - The New Testament in the Babanki language

⁴⁰ Kə ndiʼ alə̀ byìʼì ando Nyìngòŋ ə ndiʼ mu ghə̀ baʼtə̀ li kənyʉ̀ a vəghəŋ, kə bòŋ chò kənyʉ̀ kì a kə ndiʼ a məkàyn mə mumə̀ nə̀ ji yi a vəwenə ə̀ nkuʼsə Nyìngòŋ fa tsù. Ghə̀ ndiʼ mu ghə̀ baʼtə̀ li la ghə̀ lu tsèntə lyɨ vəghəŋ nə̀ vəwenə to kətsi kə mùʼ ə nè vəghəŋ ndiʼ viʼi kənyʉ̀ kətɨməkə a wen a shɨ.

Hibùlù 11:40 ပူးပေါင်းရင်းမြစ်များ

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.

Hibùlù 7:22

Ando Nyìngòŋ ə kàyn li, kə lə diʼi la Yesò diʼ wìʼ a ghə̀ ti ne la kənyʉ̀ məkàyn mì a ghə̀ zhɨ vəghəŋ vəwenə luwen əboŋ chò myimə a mə ndiʼ ambì.

Hibùlù 8:6

Ə gàʼ kənyʉ̀ kumə shwèʼ yì a Yesò ə ne, ghə̀ shwèʼè chò və pfèm və ngə̀ŋ Nyìngòŋ a venə. Məkàyn mì a Nyìngòŋ ə zhɨ̀ wenə viʼi ə chò məkàyn mə mumə̀ byìʼì ando Nyìngòŋ ə ghʉ̀ li kəfo a kì, kə chò əfo vyi a ghə̀ ə̀ nku a viʼi fa ambì.

Hibùlù 9:23

A lə diʼ la kə nkwʉ̀ʼʉ̀ to no la və shʉ əfo və laynə a shɨ Nyìngòŋ a ji a ghèn. Əfo à vènə ə nlyɨ to kəshi kə nkàyntə̀ əfo, a və diʼ a kàŋ ali və kwʉ̀ʼʉ̀ la və ku kəku kumə əfo na venə a və diʼi akàŋ, kə kuʼmə chò ki a və nə̀ kù kumə əfo ə nse.

Kəmwetə 6:11

Və mù kù vədàlə və fəfəvə à vəwenə no vətsèm ə̀ gàʼ à vəwenə la vəwenə be zhʉ̀tə̀ fəshitə̀ ə zaʼa a zhʉ a viʼi a vyi ne be zhwilə vəlèmə̀ vəŋə vi a wenə̀ vəwenə tə̀ ndiʼ ghə̀ŋ və wenə mu kuʼ a muʼu kuʼ ə̀ kwʉ̀ʼ.