Hibùlù 11:27 - The New Testament in the Babanki language

²⁷ A nè əbyɨmə la Mosìs lù fa lòʼ ə Ijìb, ko ghə̀ fwàynə̀ tebè la fòyn ne fwisətin. Fòyn ə nfwisə li tin a vəwenə ali kò ghə̀ lə fàyn ə sə dyʉ̀ to dyʉ̀, diʼ sə ghə̀ nyenə Nyìngòŋ no tèbe ando viʼi ə nko yenə.

Hibùlù 11:27 ပူးပေါင်းရင်းမြစ်များ

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 24:13

No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ.

Ŋwàʼlə̀ Mak 13:13

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Ŋwàʼlə̀ Mak 4:17

Kənyʉ̀ akì kwèn à vəwenə a tətyɨm alì kò aghaŋ yi lù nshiʼi à vəwenə a tətyɨm. Vəwenə ghaʼa tyɨm tò fəshitə̀ alə̀, ngəʼ ko tsuʼu aghʉ byìʼì kənyʉ̀ kə Nyìngòŋ nè sə vì no a zhʉ̀ kò, vəwenə zàŋsə̀ fəŋkə.

Shwèʼ 2:25

A diʼ ando fòyn Devìt ə̀ ngaʼà li byìʼì Yesò la, ‘Mà nyenə Bobo Nyìngòŋ à mò a shɨ tò məzhʉ̀ ntsèm, ghə̀ diʼ à mò a shyə kwoŋ toghə, ndi kə no kəfo kətsenkə à nə̀ʼsə̀ mò.

1 Kolìntyàns 13:7

Wìʼ ə sətsen ə nkòŋ viʼi, ko ntsìnə̀ wìʼ be na byɨf ə ghoʼo wen, ko ghə̀ be nlye mbyɨsə viʼi, ghə̀ ne tsi kɨ to kɨ la no tebe ghò yi a ghə̀ bo ki kəʼtə lu ndiʼ to alì. Wìʼ sətsen ə nkòŋ viʼi, a ghə̀ ne wensə nyʉ̀ tsèm to wensə.

2 Kolìntyàns 4:18

A lə kənyʉ̀ a vəghəŋ ko ki tebè nyʉ̀ a və yenə. Vəghəŋ boŋsə ki dyʉ̀sə̀ nə̀ əfo, a və ko yenə. Ghə̀ŋ kɨli la ə nyʉ̀ vyi a vəghəŋ yenə lu me, ali əfo vyi a vəghəŋ ko yenə ko diʼ lù mè.

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 6:16

ghə̀ diʼ ko ə ghə̀ lu ə pfʉ, dìʼ a ntìntìn əbayn yi a wìʼ ə zi ko ghə̀ lə bòʼtə̀ ashɨ ə wen ə ki. Wìʼ ko təmə yen Nyìngòŋ a ghèn, ko ghə̀ diʼ ə lu ə yen. Viʼi diʼ ə ghoʼsə wen. Ghə̀ nsoʼo mbi ghèn no nə̀ kədyòʼ no məzhʉ ntsèm! Amèyn.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Hibùlù 11:1

Ə kiʼ əbyɨmə a Nyìngòŋ diʼ ə nkɨ nəmwèʼè la wù lu kiʼi kəfo kì a wù ki kəʼtə kəwenkə, kɨ la wu ne kiʼi no tèbe ando wù ko tɨmə ə yen kəfo a kì nə̀ əshɨ.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 6:15

Ablaham ə nghaʼ li ətyɨm, Nyìngòŋ mù ne kənyʉ̀ a ken kə a ghə̀ nghʉ lə̀.

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.