Hibùlù 11:25 - The New Testament in the Babanki language

²⁵ Ghə̀ ə mboŋsə kòŋ ə yenə ngəʼ wenə viʼi Nyìngòŋ vətsenvə, chò ando ghə̀ ndiʼ nzhɨ̀ njùŋ wenə viʼi nyʉ̀ ə byɨvə, ko njùŋ a yi diʼ faŋ.

Hibùlù 11:25 ပူးပေါင်းရင်းမြစ်များ

Matìyò 13:21

Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Ŋwàʼlə̀ Luk 16:25

Ablaham gàʼ à wen la, ‘Wàyn, kə wù à lyèsə la wù nzhɨ njùŋ wù ando wù mbu tsi a mbyi, Lazalùs bè yenə ngəʼ wen. Luwen mù sə diʼ, ghə̀ zhɨ wenə wen a shə̀, wù bòŋsə zhʉ əlɨ̀m.

Shwèʼ 7:34

Mà yen li ə̀ myetə ngəʼ yì a viʼi Ijìb ə ku à viʼi vwomə. Ma zhʉ li dì vəwenə mu nshiʼi mvì ə bwòŋsə̀ vəwenə. Vi! ma tɨm wù luwèn ə wu bwenə ə̀ dyʉ̀ a Ijìb.’”

Lumans 5:3

Vəghəŋ ə nsaŋlə̀ to saŋlə a ntìntìn ngəʼ yi a vəghəŋ ə yenə byìʼì ando vəghəŋ ə kɨ la ngəʼ ə vi nə̀ ghaʼa tyɨmə.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Hibùlù 11:37

Və temlə li zhwilə vətsevə nə̀ nguʼsə ə shyə tintə vətsevə, to kə ntìntìn ə zhwilə vətsevə nə̀ nyì ə ngwoləŋ. Vətsenəvə nko kiʼ tebè kəshi ə tsì, jèʼè chò ati ati, a gwʉsə byisə, ko andiʼ la və kiʼi əko, və tsuʼ kəghʉ kə vəwenə, nyàblə̀ nə̀ vəwenə.

Hibùlù 4:9

Kə le diʼi la kəshi kə ə bo diʼ a viʼi Nyìngòŋ lù kwen tsu ə kiʼi ə nzhʉtə to ndə̀ŋndəŋ ando Nyìngòŋ ə nzhʉ̀tə li a mətsi sòmbo.

Jems 1:20

A sətsèn ghə̀ŋ ə mfwisə̀ tin, kò ghə̀ŋ a ə ne nyʉ̀ vyi a Nyìngòŋ kəŋə la ghə̀ŋ ə nè lì.

Jems 5:5

Ghə̀ŋ zhɨ li təwen ə̀ təŋtə a mbi a shèn, ə nghoʼkəsə diʼ to nə̀ vəmbòŋ ə və shyə.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

Kəmwetə 18:7

Ando ghə̀ ə̀ nkuʼsə̀ ə̀wen ə wen be tsi a tì əghoʼ, ghə̀ŋ ku ngəʼ à wen alə̀ ghə̀ zhʉ əlɨ̀m. Ghə̀ ə̀ ngàʼà à wen ətyɨm la, ‘Mà dìʼ wì ə̀ fòyn, mà ko diʼ wùwì mpfʉ, mà ko dì əpfʉ.’