Hibùlù 11:16 - The New Testament in the Babanki language

¹⁶ Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 11:16 ပူးပေါင်းရင်းမြစ်များ

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Ŋwàʼlə̀ Mak 12:26

Kùmə̀ məlù fa pfʉ, ghə̀ŋ be ko ntɨmə̀ dzàŋ kəshi kə ŋwàʼlə̀ Nyìngòŋ kì a Mosìs nlù nyòʼ byìʼì zhiʼ a ghə̀ mbolə̀ a toʼ? Nyìngòŋ ngàʼa à Mosìs a kəshi ayì la, ‘Nyìngòŋ Ablaham diʼ Nyìngòŋ Izìk be diʼ Nyìngòŋ Jàkob.’

Ŋwàʼlə̀ Mak 8:38

No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 20:37

No bè Mosìs ndiʼi li la və bwòŋsə viʼi fa pfʉ a kəshi kə Ŋwàʼlə̀ Nyìngòŋ kì a kə gàʼà kùmə̀ zhiʼ a ghə̀ mbolə̀ a toʼ. A ndiʼ a kəshi kə ŋwàʼlə̀ a ghèn ghə̀ dzàŋ Bobo nə̀ Nyìngòŋ yì a Ablaham nə̀ Izìk nə̀ Jàkob nlù sə̀ gumlə̀.

Joyn 14:2

Kəbəŋ kə Tìʼ ghom kə ə kiʼi tinsə a aloʼ sə diʼ to kədə̀ŋ. Kə tə faŋ kə diʼ alə̀, mu ma shə̀ʼtə̀ li a ghə̀ŋ. Ma dyʉ̀ ə shɨtə shì tsu a ghə̀ŋ.

Shwèʼ 7:32

‘Mà dìʼ Nyìngòŋ yì a vətìʼ vəŋə və mbì, a ndiʼì Ablaham nə̀ Izìk nə̀ Jàkob nlù sə̀ ghoʼsə̀.’ Mosìs zhʉ̀ a lì, fàyn ghaʼa wen, kò ghə̀ be mwòmsə̀ la ghə̀ ki.

Filìbàyns 3:20

Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

2 Timotì 4:18

Mà kɨ la Bobo a mbwòŋsə̀ mò no fa nyʉ̀ byɨvə no tsèm ə bè lyɨ̀ mò ə mà shɨ̀tə̀ jèʼ kwen akəshi kə fòyn ə̀ wen a kaŋ. Viʼi ə nkuʼsə wen no məzhʉ ntsèm. Amèyn.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 11:10

Ablaham ə̀ nki dyʉ̀sə nə̀ ntə̀ʼ yi a Nyìngòŋ ə nlyɨ̀ əzhʉ̀ ə bwòm ə kuʼsə, ghə̀ diʼ mù ghə̀ zizi ko ghə̀ lu fəŋ.

Hibùlù 11:14

Viʼi a və nə̀ ngàʼà a ji na ghèn, ə diʼi a ndayn la vəwenə ə̀ kəŋ to no əloʼ ə ngə̀ŋ ə vəwenə ntsi tsu.

Hibùlù 11:40

Kə ndiʼ alə̀ byìʼì ando Nyìngòŋ ə ndiʼ mu ghə̀ baʼtə̀ li kənyʉ̀ a vəghəŋ, kə bòŋ chò kənyʉ̀ kì a kə ndiʼ a məkàyn mə mumə̀ nə̀ ji yi a vəwenə ə̀ nkuʼsə Nyìngòŋ fa tsù. Ghə̀ ndiʼ mu ghə̀ baʼtə̀ li la ghə̀ lu tsèntə lyɨ vəghəŋ nə̀ vəwenə to kətsi kə mùʼ ə nè vəghəŋ ndiʼ viʼi kənyʉ̀ kətɨməkə a wen a shɨ.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Hibùlù 13:14

Vəghəŋ nkɨ la ntə̀ʼ ə tsen ko diʼ a mbyi ashə a vəghəŋ lu tsì fàŋ tsu. Vəghəŋ bo ki dyʉ̀sə nə̀ ntə̀ʼ yi a diʼ ghə̀ vəghəŋ a vəghəŋ ə bo lu kwen tsu ghə̀ bo diʼ ə na vì vi.

Hibùlù 2:11

Yesò, a ghə̀ ne la viʼi ndiʼ nə̀ laynə ashɨ Nyìngòŋ wenə viʼi na venə ə tsèntə ndiʼ to vunə Nyìngòŋ. A le kənyʉ̀ ki a Yesò toŋtə vəwenə la vəlemə, ko kətʉ̀ kə wen kə lu ndiʼi.

Kəmwetə 21:2

Ma mu yen ndo Nyìngòŋ ə tensə Ntə̀ʼ ə laynə andiʼ Jelusalèm ə fi, ghə̀ sə shiʼi vi fa kàŋ mu və shɨtə li làbsɨ wen sə və làbsɨ wùwì la ghə̀ dyʉ̀ yèyn lɨmə wen.