Hibùlù 10:4 - The New Testament in the Babanki language

⁴ Kə diʼ alə̀ byìʼì ando mənlyuŋ mə byisə nə̀ mənlyuŋ mə nyamsə zizi ko mə lu ə shʉ mbyɨsə wìʼ.

Hibùlù 10:4 ပူးပေါင်းရင်းမြစ်များ

Ŋwàʼlə̀ Mak 12:33

mu wù sətsèn nkòŋə̀ Bobo Nyìngòŋ wù nə̀ tyɨm wu no tsèm, nə̀ kwòʼtə̀ wu no tsèm nə̀ kədyòʼ kə̀ no kətsèm be kòŋə̀ lèmə̀ wù tò ndə̀ŋndəŋ ando wù kòŋə̀ wenə wu mu na kènkə ne bòŋ əchò kəku a və nyùʼù à Nyìngòŋ bènə̀ kəku a və mòʼò a Nyìngòŋ.”

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Lumans 11:27

Nyìngòŋ ə gaʼa li la, “Ma fas li la mà lu ne kənyʉ̀ na kènkə a vəwenə a kətsi yi a mà lyesə ku mbyɨsə vəwenə.”

Hibùlù 10:1

Təsoʼ tə Mosìs tə ndiʼ to ne kədèmdèm kə ə jùŋ yi a ghə̀ ndiʼ lù vì. A ko ndiʼ jùŋ a yi. Viʼi ə nkù zomtə kəku a Nyìngòŋ nə̀ ngwʉ̀ʼ nə̀ ngwʉ̀ʼ, a li ko kəku a kenkə diʼ mù kə zizi kə lu ne la vəwenə viʼi a və kəŋ nkuʼsə Nyìngòŋ ə ndiʼ viʼi kənyʉ̀ kətɨməkə ashɨ Nyìngòŋ.

Hibùlù 10:11

Nò tèbe pfèm ngə̀ŋ Nyìngòŋ ə kò ə nè shwèʼè ə wen ku kəku a Nyìngòŋ to mə ntʉʼ ntsèm, ali ko kəku kə vəwenə a kenkə zi kə lu ne la ghə̀ tsəʼsə mbyɨsə wìʼ.

Hibùlù 10:8

Yesò ə ngàʼa la Nyìngòŋ ə ko kəŋ la və nə̀ shyə nyamsə a wen, ko la və ku kəku, ko tebè la və nə̀ nyʉʼ nyamsə a kwi kəbaŋ a kəku a wen kò ku kəku ə loyn məlyesə ku, la ghə̀ ko saŋlə tebè ə əfo a venə no tèbe ando əsoʼ ngaʼa la və ne ali.

Hibùlù 9:9

Nakènkə ə diʼ nchwi ə diʼ a vəghəŋ a mbyi luwen la kəku ki nə̀ nyam shisə a və kù a Nyìngòŋ ə zizi ko kə lu ne la tətyɨm tə viʼi vyi a və kùʼsə Nyìngòŋ nə̀ laynə ashɨ Nyìngòŋ.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.