Hibùlù 10:26 - The New Testament in the Babanki language

²⁶ Vəghəŋ sətsen ə kɨ kənyʉ̀ ki a kə diʼi nəmwèʼè ali be faŋ ə ne to mbyɨ, kɨ to no la à diʼi mbyɨ, mu kəku kə tsen kə be andiʼ a kə zi kə shʉ̀ mbyɨsə vəghəŋ.

Hibùlù 10:26 ပူးပေါင်းရင်းမြစ်များ

Ŋwàʼlə̀ Luk 12:47

“Wù shyèʼ sətsen kɨ kənyʉ̀ kì a ti shyèʼ wen kəŋ la ghə̀ nè, faŋ ke shɨtə̀ wen wenə ənè, və a ghòm wen no nànto.

Joyn 13:17

Ghə̀ŋ sə kɨ nyʉ̀ venə, mu ghə̀ŋ sətsen ə nè to ali, ghə̀ŋ a kiʼi mbwaʼsə.

Joyn 9:41

Yesò ə gàʼ a vəwenə la, “Ghə̀ŋ tu əbyɨmə la ghə̀ŋ ko yenə, mu mbyɨ shəŋsə ko be diʼ a ghə̀ŋ a kətʉ. Alì, luwen to ando ghə̀ŋ sə ghʉ la ghə̀ŋ ə yenə, mbyɨ shəŋsə faŋ li to faŋ.”

2 Tèsàlonyà 2:10

Ghə̀ lu ə kiʼ ətyɨm ə byɨghə, dzɨŋsə viʼi vyi a və diʼ ə pfʉkə, to a jisə a jisə. Vəwenə lu pfʉkə byìʼì ando vəwenə ko tə kòŋ ə zhʉ̀ ntɨm yì a ghə̀ diʼi nəmwèʼè kùmə̀ Bobo vəghəŋ ndiʼ Nyìngòŋ ə bwoŋsə vəwenə.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

1 Timotì 2:4

Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

Jems 4:17

No ndò a ghə̀ kɨ kənyʉ̀ kə jùŋ kə nè, fàŋ ke ne kənyʉ̀ akì ə ne li mbyɨ.

1 Joyn 5:16

A sətsèn à yen tè ndò yèn lèmə̀ wen ghə̀ nè mbyɨ, a ko diʼ mbyɨ a ghə̀ gə̀sə̀ wen fa əbwòŋ. Ghə̀ jɨ̀mə̀ a Nyìngòŋ a ghə̀ a ku əbwòŋ à wen. Kènkə dyʉ̀ a viʼi vi a mbyɨsə vəwenə sə diʼ shìsə a sə ko gə̀sə̀ vəwenə fa bwòŋ lì. Mbyɨ dìʼ a ghə̀ gə̀sə̀ viʼi fa bwòŋ. Mà ko gàʼà la wìʼ jɨm byìʼì nki mbyɨ aghèn.