Hibùlù 10:12 - The New Testament in the Babanki language

¹² Alì mu Yesò Klistò ə nku li ə wèn ə wen a kəku a Nyìngòŋ to ghaynə ə mùʼ ə shʉ̀ mbyɨsə viʼi to əghayn əmùʼ. Ghə̀ nkù ali ə dyʉ̀ nyʉ̀ʼmə ashə kwoŋ ətoghə Nyìngòŋ.

Hibùlù 10:12 ပူးပေါင်းရင်းမြစ်များ

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Kòlòsyàns 3:1

Ando ghə̀ŋ sə diʼ mù Nyìngòŋ ə lùsə li ghə̀ŋ və Yesò fa pfʉ amuʼ, ghə̀ŋ ghʉ tətyɨm təŋtə a nyʉ̀ yi a və diʼi akàŋ, akəshi yi a Yesò ŋwʉ̀ʼ tsu ashə kwoŋ ə toghə Nyìngòŋ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 10:10

Ando Yesò Klistò nsə diʼ mu ghə̀ ku li ə wèn ə wen to ghaynə əmùʼ ə ne kənyʉ̀ ki a Nyìngòŋ ə nkəŋ la ghə̀ nè, kə nè la vəghəŋ ə nlaynə kwʉ̀ʼ ashɨ Nyìngòŋ.

Hibùlù 10:14

Ghə̀ nku ə wèn ə wen to ghàyn ə mùʼ a kəku ə shʉ laynsə viʼi, la vəwenə faŋ a viʼi Nyìngòŋ to ghaynə əmùʼ.

Hibùlù 5:1

Nò pfèm ngə̀ŋ Nyìngòŋ ə ŋaŋtə ə kò a viʼi Jus ə ntsuʼ fa vəwenə a ntìntìn nlyɨ kəshi kə viʼi ashɨ Nyìngòŋ, ku kəku kə nyamsə kumə mbyɨsə vəwenə.

Hibùlù 5:3

A le kənyʉ̀ ki a ghə̀ ndiʼ ə ku kəku kumə mbyɨsə wen to ndə̀ŋndəŋ ndo ghə̀ kù kumə mbyɨsə viʼi.

Hibùlù 7:27

Ghə̀ ko diʼ to nə̀ vəpfèm və ngə̀ŋ Nyìngòŋ sətsen shisə a sə ndiʼ ku kəku kumə mbyɨsə vəwenə to mətsi ə tsèm, mibu sə be ku kumə mbyɨsə viʼi. Ghə̀ diʼ mu ghə̀ nku wenə wen a kəku byìʼì mbyɨsə viʼi to ghaynə əmùʼ kə be mè to ali.

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

Hibùlù 9:12

Yesò ə ko ə lyɨ̀ mənlyuŋ mə nyàm ko mə byi ə kwen nə̀ mə wenə a kəshi yi a kə Layn kwʉ̀ʼʉ̀. Ghə̀ boŋsə lyɨ̀ to mənlyuŋ mə wen ə kwen tsu, to ə zen kətʉ kə vəghəŋ to ghayn əmùʼ.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.