Hibùlù 1:4 - The New Testament in the Babanki language

⁴ Kə le diʼi la, Wàyn a ghèn ə ŋaŋtə chò ətsɨŋsə Nyìngòŋ, kiʼi zhiʼ ghə̀ ŋaŋtə chò təzhiʼ tə ətsɨŋsə ngə̀ŋ Nyìngòŋ.

Hibùlù 1:4 ပူးပေါင်းရင်းမြစ်များ

Efisyàns 1:21

Ghə̀ sə ə nyʉ̀ʼ tsu luwen, soʼo adyòʼ vyi a və diʼ a kàŋ no ə tsèm, vyi a və soʼo. Ghə̀ soʼo adyòʼ no tsèm nè ə fo no tsèm. Ghə̀ kiʼi zhiʼ a chò no tèbe zhiʼ ə kò a viʼi a və soʼo kiʼi a mbyi luwen nə̀ mbyi yì a ghə̀ lu vi.

Kòlòsyàns 1:18

Ghə̀ diʼ kətʉ̀ kə viʼi və byɨməvə no və tsèm a diʼ to wenə wen. Ghə̀ ndiʼi mbì ə bwensə lù fa pfʉ, ə sə soʼo no gho yi.

Kòlòsyàns 2:10

Ghə̀ŋ ko be gho no kənyʉ̀ kətsenkə a tyi ə Klistò. Ghə̀ diʼ kətʉ̀kə ə zhwi ə tsèm vi a və soʼo be kiʼi kədyòʼ.

2 Tèsàlonyà 1:7

Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

Hibùlù 1:9

Wù kòŋ to nyʉ̀ tɨməvə, bàynə̀ nyʉ̀ ə byɨvə. A le kənyʉ̀ kì a Nyìngòŋ yi a ghə̀ kiʼi wù tsuʼ li ghʉ̀ wù nə̀ ə saŋlə ghə̀ ə nè la wù kuʼmə chò no ndo a vye vəwenə diʼ.”

Hibùlù 12:17

A ghə̀ŋ kɨli la à ndiʼ fa yi abàm ando ghə̀ ku to ə wen na yì a lèmə̀ wen ə tyetə, ghə̀ bwensə sə kəŋ no nə̀ məshɨ a wen a shɨ la tiʼi wen bwàʼsə wen ali ghə̀ tyen byìʼì ando ji nko be diʼ la ghə̀ bwensə tensə kənyʉ̀ ki a ghə̀ nsə diʼ mu ghə̀ nè li.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.