Hibùlù 1:2 - The New Testament in the Babanki language

² Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

Hibùlù 1:2 ပူးပေါင်းရင်းမြစ်များ

Matìyò 13:39

Wù kəbàyn yì a ghə̀ nwe kəfʉ̀ʼ kì diʼ Deblə̀, zhʉ məpfì diʼ kənsèsə̀ kə mbi, viʼi a və pfì dìʼ ntsɨ̀ŋsə ngə̀ŋ Nyìngòŋ.

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 21:38

Viʼi shwèʼè sɨ̀m a vyi nè dyʉ̀ yen wàyn yì tò yenə, kwòʼtə̀ à vəwenə ngəŋsə la, Ghèn dìʼi ne ndiʼ njɨ̀ngə̀ŋ tì sɨ̀m ghèn. Vəghəŋ ghaʼ wen zhwi ndi lyɨ fo vi a ghə̀ tə ndiʼ ne lyɨ̀ lì.

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Matìyò 28:18

Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Ŋwàʼlə̀ Mak 12:6

Wìʼ muʼ a ghə̀ mfaŋə̀ à tì sɨ̀m aghèn ə ghə̀ tɨm ndìʼ tò wàyn kòŋ wen. Ghə̀ sə mwètə̀ tɨm wàyn wen ayì sə̀ kwòʼtə̀ tò fà wen a ngə̀ŋ la, ‘Vəwenə a fwàyn wàyn ghom.’

Ŋwàʼlə̀ Mak 12:7

Viʼi shwèʼè a vyi nè yen wàyn ayì tò yenə ə̀ gàʼ à vəwenə a ntìntìn la, ‘Ghèn dìʼ njɨ̀ngə̀ŋ tì sɨ̀m ghèn lə̀, vəghəŋ ghaʼ wen ə̀ zhwi ndi kiʼi fo vi a ghə̀ ndiʼi lu kiʼi!’

Joyn 1:10

Ntɨm ə Nyìngòŋ ə nvi li a mbi, ali viʼi mbyi mo wen no tèbe ando mbi ayi ndiʼ mu à shɨtə wen.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 1:3

Nyìngòŋ ə shɨtə ə fo ə tsèm ə chò fa wen, mu à mbwen fa wen mu və ko nshɨtə no tèbe ghò yi a və ndiʼ mù və shɨtə li.

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 13:32

A na ndiʼ ando və yenə kədyòʼ kə Nyìngòŋ chò fa wen, nkàyntə̀ Nyìngòŋ be ne, və be yen kədyòʼ kə wen. Nyìngòŋ a nè, kənyʉ̀ na kènkə zaŋsə fʉ̀.

Joyn 15:15

Mà ko be toŋtə tebè ghə̀ŋ luwen la viʼi ə shyèʼ byìʼàndo wu ə shwèʼ ko nə̀ kɨ kənyʉ̀ kì a tì shyèʼ wen nə̀ nè. Ma toŋtə ghə̀ŋ luwen la doŋ shomsə byìʼàndo mà shə̀ʼtə li nyʉ̀ vyi a mà zhʉ fa Tìʼ ghom a ghə̀ŋ no ətsèm.

Joyn 16:15

Nò əfo ə Tìʼ ghom ə tsèm diʼ vwomə. A lə kənyʉ̀ ki a mà gàʼa la kəzhwì kə Ŋwoʼkə na vì, ə nlyɨ̀ nyʉ̀, a diʼ vwomə ə nè ə ghə̀ŋ kɨ.

Joyn 17:2

byìʼì ando wù kù li kədyòʼ a wen a kətʉ̀ viʼi vətsèm ndiʼ ghə̀ nè, viʼi a wù kù a wen kiʼi ntsìnə̀ yi a ghə̀ ko lu mè.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:25

Ətʉʼ ə layn kətsi kətsenkə, ndzɨ̀mtə̀sə bàm ə Joyn sə zìtə̀ kəgumə kətsen wenə ə wù Jus ə tsen kumə ji yì a viʼi Jus nə̀ shʉ əwen fa tsu a vəwenə a ntsìnə̀ əloʼ ndi ndiʼi la və laynə kwʉ̀ʼʉ̀ ashɨ Nyìngòŋ.

Joyn 5:26

Nyìngòŋ diʼ wìʼ yì a ghə̀ ku ə ntsìnə̀, ndə̀ŋndəŋ a ghə̀ be ne la wàyn wen be ndiʼ wìʼ yì a ntsìnə̀ ə lu fa wen.

Joyn 5:27

Nyìngòŋ diʼ mu ghə̀ ku li kədyòʼ a wàyn wen la ghə̀ nsoʼo byìʼàndo ghə̀ diʼ Wàyn Wìʼ.

Joyn 9:29

Yès ə kɨ li la Nyìngòŋ ə ngaʼa li a Mosìs, ali yès ko kɨ no tèbe la wìʼ ə ghèn lù fa fe lo?”

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Shwèʼ 2:17

Nyìngòŋ ə gàʼ a la, ‘A lu ndiʼ a mətsi mə̀ kənsèsə̀, Mà ku kəzhwì komkə à viʼi no vətsèm. Vu vəŋə ə lʉmə nə̀ ki lu nshə̀ʼtə̀ nyʉ̀ à viʼi a Nyìngòŋ ə̀ shə̀ʼtə̀ à vəwenə. Mà lu nè ə mbvòʼò wìʼ ə yèyn nyʉ̀ to sə tsi jòm, be ne jòmsə ə ntsi viʼi vətovə ghə̀ŋ.

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Hibùlù 1:5

Kə diʼ to no alə̀ a ji la ntsɨŋ Nyìngòŋ ko diʼ a Nyìngòŋ ntɨmə gàʼ a wen la, “Wù diʼ Wàyn ghom; ə zìtə̀ fa layn, mà na diʼ Tìʼ à wù.” Nyìngòŋ ə ko tɨmə gàʼ kumə ntsɨŋ wen ə gàʼ la, “Mà lu ndiʼ tìʼ wen, ghə̀ ndiʼ Wàyn a mò.”

Hibùlù 1:8

Alì a ndiʼ ando ghə̀ gaʼa kumə Wàyn wen, ghə̀ gàʼ la: “Əfòyn wu ə diʼ mu ghə̀ faŋ li to ghayn ə mùʼ a Nyìngòŋ! Wù a soʼ viʼi to a ji ə tɨmə.

Hibùlù 11:3

A nè əbyɨmə la vəghəŋ nkɨ nəmwèʼè la Nyìngòŋ ə nshɨtə mbyi to nə̀ ghɨ chʉ̀. Kə lə diʼi la no tèbe ghò a vəghəŋ ə yenə diʼ ko və nshɨtə nə̀ kəfokə a və yenə.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

Hibùlù 5:8

Yesò ndiʼ to no Wàyn Nyìngòŋ ali ə be ziʼi ə zhʉ Nyìngòŋ a ntìntìn ngəʼsə a ghə̀ nyenə.

Hibùlù 7:28

Viʼi vi a Əsoʼ ə Mosìs mbyɨmə la və wʉ̀ vəwenə a vəpfèm və ngə̀ŋ Nyìngòŋ sə ngaŋtəsə ndiʼ to viʼi to nə̀ viʼi vətsenvə, ne mbyɨ. Alì fa yi a bàm ando ghə̀ nku li əsoʼ, Nyìngòŋ ntsuʼ li Wàyn wen a ghə̀ nsə diʼ mu ghə̀ ku li mu kàyn ə ghʉ wen a pfèm ə ngə̀ŋ Nyìngòŋ ə ŋaŋtə to ghaynə mùʼ.

Hibùlù 7:3

A diʼ a Ŋwàʼlə̀ Nyìngòŋ ko ndiʼ la və shə̀ʼtə̀ la tiʼi wen ndiʼ ndò lo, lì wen diʼ ndò lo. Və ko gàʼ tèbe kənyʉ̀ kumə vətiʼi vəwenə, ko və lù ə gàʼ kənyʉ̀ kumə ə tʉʼ yi a və mbwi wen nə̀ ə tʉ a ghə̀ mpfʉ. Kə le diʼi la ghə̀ faŋ li a pfèm ngə̀ŋ Nyìngòŋ to ə ghayn ə mùʼ to ando Wàyn Nyìngòŋ nfaŋ li to ghàyn ə mùʼ.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”