Gàlesìyà 6:9 - The New Testament in the Babanki language

⁹ Kə vəghəŋ a bwaʼ ə nè jùŋ, byìʼì ando vəghəŋ sətsen faŋ ke bwaʼ, kətsi kə tsen lù kwʉ̀ʼ, a vəghəŋ pfi nyʉ̀ jùŋ və to kədə̀ŋ.

Gàlesìyà 6:9 ပူးပေါင်းရင်းမြစ်များ

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Matìyò 24:13

No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ.

Matìyò 25:17

Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ.

Matìyò 9:19

Yesò ə lu tò lu wenə ndzɨ̀mtə̀sə bàm ə wen ə mu sə dyʉ̀ abàm ə wìʼ a yi.

Ŋwàʼlə̀ Mak 3:3

Yesò gàʼ à wù mpfʉ̀ kwòŋ ayì la, “chò vì a shèn.”

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

2 Kolìntyàns 4:1

Ando Nyìngòŋ ə kusə li shinsə a yès nku shyèʼ ghənə la yès ə nè, yès zizi ko və lu be bwaʼ ə nè.

2 Kolìntyàns 4:16

A le kənyʉ̀ ki a yès ə ko bwaʼ ə nè shwèʼè a ghenə. Nò tèbe ando njòsə əwen ə yès sə bwaʼa dyʉ̀, Nyìngòŋ ə ku kədyòʼ a yès a tətyɨm to məzhʉ̀ ə tsèm.

2 Kolìntyàns 9:6

Ghə̀ŋ diʼ kɨ la no ndò a ghə̀ wè to ntèʼ, a ghə̀ lù be pfì to ntèʼ, no ndò a ghə̀ wè no kə ghoʼo, a ghə̀ lù pfì to no kə ghoʼo.

Efisyàns 3:13

A lə kənyʉ̀ kì a ma gaʼa a ghə̀ŋ la kə ghə̀ŋ a bwaʼ byìʼì ngəʼ yì a ghə̀ŋ zhʉ̀ la ma yenə byìʼì ghə̀ŋ. Ghə̀ŋ diʼ ə kɨ la nyʉ̀ a vyi ə diʼ to ghə̀ŋ a njùŋ.

2 Tèsàlonyà 3:13

A ghə̀ŋ a vəlemə, kə ghə̀ŋ bwaʼ, ghə̀ŋ ə nè to nyʉ̀ ə jùŋə və.

Hibùlù 12:3

Ghə̀ŋ nkwoʼtə ji yì a Yesò nyenə ngəʼ fa tsù avù ə viʼi nyʉ̀ ə byɨvə ali ə sə wensə to wensə. Ghə̀ŋ nkwoʼtə ndiʼ kə kənyʉ̀ kə be a gubtə̀ ghə̀ŋ la ghə̀ŋ bwaʼ.

Hibùlù 12:5

Kə ghə̀ŋ lyesə gaʼa yì a Nyìngòŋ ə ngàʼa ə lɨ̀msə̀ ghə̀ŋ. Ghə̀ toŋtə ghə̀ŋ la vunə wen ə gàʼ la: “Wàyn ghom, Bobo sə ku ngəʼ a wù, tisə wù tisə, wù ntuʼtə̀ zhʉ̀tə. Ghə̀ zhʉsə nghòmə wù to nə̀ Tiʼi wù, kə wù bwaʼ.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Bità 3:17

Kə boŋsə boŋ ə yenə ngəʼ byìʼì nyʉ̀ ə jùŋə̀ və ando wìʼ ə nè, azhʉ̀ a Nyìngòŋ ə kòŋ, ə cho ə yenə ngəʼ byìʼì nyʉ̀ ə byɨvə.

1 Bità 4:19

Kə le diʼi la viʼi vyi a və yenə ngəʼ, a kòŋ ə Nyìngòŋ diʼ faŋ ə nè to jùŋ, ə be ku təwen tə vəwenə a Nyìngòŋ byìʼì ando à shɨtə Nyìngòŋ shɨtə vəwenə. Ghə̀ nè no tèbe ghoʼ yi a ghə̀ ghʉ̀.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”