Gàlesìyà 6:7 - The New Testament in the Babanki language

⁷ Kə wìʼ na lobtə wèn ə wen. Wìʼ ə zizi ko ghə̀ lu chəʼ Nyìngòŋ. Wìʼ ə wè no tèbe ghoʼ, ghə̀ lù pfì to kəwenkə.

Gàlesìyà 6:7 ပူးပေါင်းရင်းမြစ်များ

Ŋwàʼlə̀ Luk 16:25

Ablaham gàʼ à wen la, ‘Wàyn, kə wù à lyèsə la wù nzhɨ njùŋ wù ando wù mbu tsi a mbyi, Lazalùs bè yenə ngəʼ wen. Luwen mù sə diʼ, ghə̀ zhɨ wenə wen a shə̀, wù bòŋsə zhʉ əlɨ̀m.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

1 Kolìntyàns 15:33

Kə wìʼ na ə lobtə ghə̀ŋ. Ghə̀ŋ kɨ la, “Ndoŋsə byɨsə ə byɨbsə ntsìnə̀ ə jùŋ.”

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

2 Kolìntyàns 9:6

Ghə̀ŋ diʼ kɨ la no ndò a ghə̀ wè to ntèʼ, a ghə̀ lù be pfì to ntèʼ, no ndò a ghə̀ wè no kə ghoʼo, a ghə̀ lù pfì to no kə ghoʼo.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

2 Tèsàlonyà 2:3

Kə ghə̀ŋ moʼtə la wìʼ ə lobtə ghə̀ŋ no fa mphen byìʼì ando kətsi na kì ko lu vi ə zaʼa ando viʼi və ghoʼo və lù ə soynə Nyìngòŋ, wù ətyɨm ə byɨghə fʉ tɨmə. Və lu myetə wù ətyɨm ə byɨghə na ghèn akəshi kə əzhiʼ.

Jems 1:22

Kə ghə̀ŋ a nzhʉtə̀ kənyʉ̀ kə Nyìngòŋ tò zhʉtə. Ghə̀ŋ diʼi ə nè kənyʉ̀ a kə gàʼà a bwen a lì mu ghə̀ŋ ə lobtə̀ təwen təŋtə.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

1 Joyn 1:8

Vəghəŋ sətsèn ə ngàʼà la vəghəŋ ə ko kiʼi mbyɨsə mu vəghəŋ ə lobtə̀ təwen tə vəghəŋ, a be diʼ kò nəmwèʼè ə lu ndiʼ à vəghəŋ a tətyɨm.

1 Joyn 3:7

Vunə vwomə, kə ghə̀ŋ à ghʉ̀sə wìʼ lobtə ghə̀ŋ. No ndò a ghə̀ nè kənyʉ̀ kə tɨməkə dìʼ wù kənyʉ̀ kə tɨməkə ando Klistò dìʼ wù kənyʉ̀ kətɨməkə.

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”