Gàlesìyà 6:2 - The New Testament in the Babanki language

² Sətsen wìʼ ndiʼ a ngəʼ, ghə̀ŋ ə gyàmtə̀ wen. Ghə̀ŋ sətsen ə nè alə̀, mu ghə̀ŋ ə ghʉ li soʼ a Klistò nkù a vəghəŋ.

Gàlesìyà 6:2 ပူးပေါင်းရင်းမြစ်များ

Matìyò 8:17

Nyʉ̀ a venə nlyɨ̀ kəshi ndi nyʉ̀ a nshə̀ʼtə̀ Isayà nlù nyòʼ kwʉʼ la, “Ghə̀ chʉʼli təkwaʼa tə vəghəŋ bè mèsə̀ kəzaf kə vəghəŋ fa vəghəŋ tə wen.”

Ŋwàʼlə̀ Luk 11:46

Yesò gàʼ à vəwenə la, “Ngəʼ ghoʼo bè ghə̀ŋ, ndìʼsə̀sə təsoʼ, byiʼ ando ghə̀ŋ nè la viʼi byèʼè kəbyèʼè a kə diʼi chò vəwenə kò lə kòŋə̀ əgyàmtə vəwenə.

Joyn 13:34

Ma ku əsoʼ ə fìghə a ghə̀ŋ luwen. Ghə̀ŋ nə̀ kòŋ təwen ə təŋtə. Ma kòŋ li ghə̀ŋ. Ghə̀ŋ ne kòŋ təwen ə təŋtə to ali.

Joyn 15:12

Kènkə diʼ əsoʼ ə ghomə la, ghə̀ŋ kòŋ təwen ə təŋtə to ando mà kòŋ ghə̀ŋ.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

1 Kolìntyàns 9:21

Ma dyʉ̀ a viʼi a və ko ghʉ̀ tebè əsoʼ, ma sədiʼ to nə̀ wìʼ a ghə̀ ko ghʉ̀ ə əsoʼ. Nakènkə ko diʼi la ma diʼ alə ko ma, ghʉ̀ əsoʼ ə Nyìngòŋ. Ma ghʉ̀ to no əsoʼ ə Yesò, ali ə dyʉ̀ a viʼi vyi a və ko ghʉ̀ tebè əsoʼ, ma sə ne to alə ndiʼ ə ne la vəwenə tuʼu byɨmə, to kədə̀ŋ.

Gàlesìyà 6:5

byìʼì ando no ndò diʼ ne ghə̀ wenə əshyèʼ a Nyìngòŋ kəŋ la ghə̀ nè.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

Jems 1:25

No ndò a ghə̀ zhʉ soʼo Nyìngòŋ a diʼi ngesə̀ soʼ a ghə̀ shìsə̀ viʼi fa mbyɨsə bènə̀ fa pfʉ, ə̀ faŋ ə nè ando ə̀soʼ ayi ə kəŋ mu Nyìngòŋ ne bwaʼsə wen no a gho yì a ghə̀ nè. Nki wìʼ aghèn ko zhʉtə̀ kənyʉ̀ kə Nyìngòŋ tò zhʉtə̀ alì ghə̀ mwòmsə̀ ə nghʉ a kəne.

Jems 2:12

Ghə̀ŋ ə ngàʼà lì be nè a nə̀ viʼi vyi a və lu soʼ vəwenə nsoʼ yì a ghə̀ shìsə̀ viʼi fa əkòs.

Jems 2:8

Soʼ toghə a ghə̀ diʼì a ŋwàʼlə̀ Nyìngòŋ dìʼ la, “Wù diʼì əkòŋ lèmə̀ wù ando wù kòŋə̀ wen ə̀ wu.” Ghə̀ŋ sətsen ə nsù nè a lì mu ghə̀ŋ nè à nkàyn.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

2 Bità 2:21

Kə sətsen ə ndiʼ alə̀, mù kə tə boŋsə boŋ la vəwenə faŋ kò və lu kɨ ji ntsìnə̀ ə tɨmə no fa mphen, chò ando vəwenə kɨ ə mbe bwensə ko və be zhʉ tebè əsoʼ ə laynə yì a və nku a vəwenə.

2 Bità 3:2

Ma kəŋ la ghə̀ŋ bwensə kwòʼtə nyʉ̀ vyi a nshə̀ʼtə̀sə laynəsə ə ngàʼa no fa chʉʼ ə mughə, nə̀ əsoʼ yì a Bobo, ə Mbwòŋsə̀ vəghəŋ ə ngàʼa a viʼi ntɨm və ku a ghə̀ŋ.

1 Joyn 4:21

Əsoʼ yi a Nyìngòŋ ə ku à vəghəŋ dìʼ la, no ndò a ghə̀ ə kòŋə̀ Nyìngòŋ dìʼ be ə nkòŋə̀ lèmə̀ wen.