Gàlesìyà 6:14 - The New Testament in the Babanki language

¹⁴ Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

Gàlesìyà 6:14 ပူးပေါင်းရင်းမြစ်များ

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 2:2

Ma ndiʼ mu ma nghʉ̀ li la mà ko ba ə kwoʼtə kənyʉ̀ kətsen kə ando ma diʼ a ghə̀ŋ a ntìntìn, a bwen to ə ngàʼà kumə Yesò Klistò, nə̀ əpfʉ̀ ə wenə a kəntò.

1 Kolìntyàns 3:21

Alə, kə wìʼ nè nghaŋsə əwen gàʼà la ghə̀ diʼ wù wìʼ ə ghèn, byìʼì ando Nyìngòŋ ə ku li to əfo ə tsèm a ghə̀ŋ.

2 Kolìntyàns 11:12

Mà faŋ ə nè tò kənyʉ̀ ki a ma nè, ndiʼi chiʼtə əchʉ ə viʼi vyi a və gàʼa la vəwenə diʼ viʼi ntɨm ə Yesò li, kə vəwenə nkumə kədyʉ̀ʼ gàʼà la yo vəwenə shyèʼ to ji mùʼ.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Gàlesìyà 2:17

Alì vəghəŋ sətsen ə mwomsə ə nti a nkàyn a shɨ ə Nyìngòŋ byìʼì ando vəghəŋ və Yesò diʼ amuʼ, ə be yenə la vəghəŋ ne mbyɨ, kə a ndiʼi la Yesò ə nè la vəghəŋ ə ne mbyɨ mu? Kə ko diʼ alì no fa mphen!

Gàlesìyà 2:19

Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Gàlesìyà 5:24

Viʼi Yesò Klistò diʼ mu vəwenə bayntə li njòsə əwèn nə̀ vəwenə boʼsə nə̀ nyʉ̀ vyi a və fwomə la və nə̀ nè a kəntò.

Filìbàyns 3:18

Ando ma ngaʼa li a ghə̀ŋ to ghaynə ghayn ə be sə gyisə gàʼà luwèn nə̀ məshɨ à mo ashɨ la viʼi no vəghoʼ a ma tə ngaʼa ghə̀ŋ byìʼì ji a vəwenə ətsi ədiʼ la vəwenə diʼ viʼi ə kəbàyn ziʼi yi a ghə̀ gaʼa byìʼì əpfʉ Klistò a kəntò.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?