Gàlesìyà 6:12 - The New Testament in the Babanki language

¹² Viʼi vyi a və soʼ ghə̀ŋ la və shətə ə ndyə̀ ghə̀ŋ diʼ viʼi a və kəŋə ə ndiʼi əwen la vəwenə diʼ a nkayn. Vəwenə ne alə byìʼì ando vəwenə ə fwàynə̀ la vəwenə sətsen ə ziʼi la viʼi diʼ bwòŋ byìʼì əpfʉ̀ ə Klistò a kəntò, viʼi a ntsuʼ kəghʉ kə vəwenə.

Gàlesìyà 6:12 ပူးပေါင်းရင်းမြစ်များ

Matìyò 23:27

Ngəʼ ghoʼo diʼ à ghə̀ŋ ndìʼsə̀sə təsoʼ bènə̀ viʼi Falàsi. Ghə̀ŋ viʼi kəmbɨ̀lə̀ kə ashɨ ghə̀ŋ diʼ to nə̀ təsè a zhʉ a və shɨtə̀ mbwom nzuʼ tə sə fəfə fəfə bòŋə̀ tò fa kəbəŋ alì adiʼ tò kwoŋ ə viʼi a yì a tin bènə̀ kənfwè.

Matìyò 23:28

A dìʼ tò ndə̀ŋndəŋ jì a ghə̀ŋ bòŋə̀ tò fa kə̀ʼ, alì diʼ fa tin mu ghə̀ŋ lwin li tò nə̀ kəmbɨ̀lə̀ kə ashɨ kə bènə̀ nyʉ̀ byɨvə tsenəvə.

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Matìyò 5:10

Mbwaʼmə dìʼ a viʼi vyi a və tsuʼu aghʉ vəwenə byiʼàndo vəwenə nè ando Nyìngòŋ kəŋə byiʼàndo soʼo fòyn Nyìngòŋ lu diʼ à vəwenə.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:2

“Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Matìyò 6:5

“Ghə̀ŋ nə̀ sə jɨ̀m, kə ghə̀ŋ ə wamə ne a diʼ viʼi vətsenəvə. Vəwenə ə kòŋ ə nlù ə tɨmə a aloʼ ntsèntə̀sə jɨ̀mə̀, bè jèʼè jɨ̀mə̀ a mbyɨ̀sə jì sə, kəŋ la viʼi ə̀ nchò yen vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Ŋwàʼlə̀ Luk 20:47

Vəwenə kòŋə lobtə kyì mpfʉ̀ ə shi, fo vəwenə no tsèm, wamə ə diʼ la vəwenə diʼ viʼi və jùŋvə, byìʼì ando vəwenə jɨ̀mə̀ lòtə̀. Nyìngòŋ lə ku ngəʼ byìʼì vəwenə.”

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Shwèʼ 15:1

Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.”

Shwèʼ 15:5

Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”

2 Kolìntyàns 10:12

Yès ə ko ghʉ wenə yèsə ko shəʼmə yo və viʼi vyi a və gàʼ diʼ təwen tə vəwenə. A diʼ a zhʉ a vəwenə shəʼmə be shəmə təwen tə vəwenə, vəwenə ne kənyʉ̀ kì a kə ko kiʼi ətof.

2 Kolìntyàns 11:13

Viʼi a venə nə̀ zhò to dzɨŋ la vəwenə diʼ viʼi ntɨm, vəwenə diʼ viʼi shyèʼè kənlobtə̀, bɨ̀lə̀ la vəwenə diʼ viʼi ntɨm ə Yesò.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Gàlesìyà 2:3

Taytùs ndiʼ to yo wen ali kò və lu kàyn la və diʼ ə shətə ndyə̀ wen no tèbe ando ghə̀ ndiʼ wù ə Gɨ̀lìs.

Gàlesìyà 5:11

Və le bè ə tsuʼ to kəghʉ komkə a gho, a vəlemə vwomə, azhʉ̀ a kə diʼ nəmwèʼè la, ma ziʼi la və diʼ ə shətə ndyə̀ ə viʼi a? Kə sətsen ə ndiʼ nəmwèʼè, mu ziʼi yì a ma ziʼi kumə Klistò a ghə̀ mpfʉ a kəntò ko be zafə viʼi Jus.

Gàlesìyà 6:13

No tèbe viʼi a vyi a və gaʼa la və diʼ ə shətə ndyə̀ viʼi li ko ghʉ tebè Əsoʼ, ali kəŋ to la və shətə ndyə̀ ghə̀ŋ ndiʼ vəwenə nə̀ jèʼe kùmə̀ kədyʉ̀ʼ, gàʼa la ghə̀ŋ nè li kənyʉ̀ kì a vəwenə ə kəŋ.

Filìbàyns 1:15

Viʼi vətsenvə əshəʼtə ntɨm ə jùŋ Yesò byìʼì kənghə̀ʼ ə be diʼ la vəwenə ə chò mo ando vəwenə yènə ando shyèʼ ə ghomə əshɨtə dyʉ̀, ali, vətsevə shə̀ʼtə̀ ntɨm a ghèn no nə̀ ətyɨm ə jùŋə̀ ghə̀.

Filìbàyns 2:4

Kə ghə̀ŋ a ə nè tò ənyʉ̀ a və ku əsè tò à ghə̀ŋ. Ghə̀ŋ ə nè vi a və bè a ku əsè à viʼi vətsenvə.

Filìbàyns 3:18

Ando ma ngaʼa li a ghə̀ŋ to ghaynə ghayn ə be sə gyisə gàʼà luwèn nə̀ məshɨ à mo ashɨ la viʼi no vəghoʼ a ma tə ngaʼa ghə̀ŋ byìʼì ji a vəwenə ətsi ədiʼ la vəwenə diʼ viʼi ə kəbàyn ziʼi yi a ghə̀ gaʼa byìʼì əpfʉ Klistò a kəntò.

Kòlòsyàns 2:23

Təsoʼ tentə kəʼə to sə tə fɨsə ətof. Tə kəʼə to sə tə ne la wu kòŋ Nyìngòŋ no nànto əbe gumlə, be kiʼi kədyòʼ a wu kwi wen. Ali ko ghə̀ le kiʼi no kənyʉ̀ kətsen ə gyamtə wìʼ la ghə̀ ə nghaʼa əwen wen kumə nyʉ̀ ə njòsə wen a Nyìngòŋ ko kòŋ.