Gàlesìyà 6:10 - The New Testament in the Babanki language

¹⁰ Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Gàlesìyà 6:10 ပူးပေါင်းရင်းမြစ်များ

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 5:43

“Ghə̀ŋ be nzhʉ̀ ando və nlù gàʼ la ‘Kòŋə viʼi ndoŋsə wù ə bàyn viʼi kəbàyn wù.’

Ŋwàʼlə̀ Mak 3:4

Ghə̀ chò, Yesò mù bèm à vəwenə la, “Soʼ byɨmə la və ne njùŋ a kətsi kə zhʉtəkə mu mbyɨ lo, ghə̀ byɨmə la və bwoŋsə wìʼ mu və zhwi wen zhwi lo?” Vəwenə chɨmə tò la kùʼ.

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Joyn 12:35

Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo?

Joyn 9:4

Vəghəŋ diʼ ə nè to shyèʼ ə wìʼ yì a ghə̀ tɨmə mo, a zhʉ kəbəŋ kə bo baynə byìʼàndo kəbəŋ kə sə fenə vi, a diʼ əzhʉ̀ mu wìʼ zizi ko ghə̀ lu be shyèʼ kənyʉ̀ tsu.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

2 Kolìntyàns 2:8

A lə kənyʉ̀ ki a ma sensə ghə̀ŋ la ghə̀ŋ bwensə nè ghə̀ nkɨ la ghə̀ŋ bo kòŋ ə wen.

Gàlesìyà 1:23

Vəwenə ə nzhʉ̀ Nyʉ̀ to zhʉ̀ a viʼi ngàʼà kùmə̀ mò la, “Wìʼ yi a ghə̀ tə ntsuʼ kəghʉ kə vəghəŋ fa ambì lì ə bwensə li sə shə̀ʼtə̀ kənyʉ̀ kumə əbyɨmə yì a ghə̀ tə nkəŋə la ghə̀ mè.”

Efisyàns 2:19

Kə le diʼi la ghə̀ŋ viʼi ətɨm ko be diʼ viʼi və vi və, ghə̀ŋ sə diʼ to viʼi loʼ ə mùʼ vye viʼi Nyìngòŋ, be diʼ viʼi ngwaʼ ngə̀ŋ ə Nyìngòŋ.

Efisyàns 3:15

a diʼ wen yi diʼ Tìʼ ə ngwaʼa ngəŋsə yi a sə diʼ akàŋ be diʼ a nse no sətsèm.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

Efisyàns 5:16

Wìʼ fa ghə̀ŋ yen ji ə nè jùŋ, ghə̀ zaŋsə nè to nè byìʼì ando à ghoʼ to mbyɨ luwen.

Filìbàyns 4:10

Ando mà diʼi yo Bobo, ma saŋlə̀ no nkàyn byìʼàndo ghə̀ŋ ə be dìʼ à mò luwèn la ghə̀ŋ tuʼmə nè mò no tèbe ando kəghaf kə dyʉ̀ li. Mà kɨ li la ghə̀ŋ tə nkiʼ ə tyɨmə tuʼmə nè mò alì jì ə ko tə ndiʼ.

Kòlòsyàns 4:5

Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

1 Tèsàlonyà 5:15

Kə wìʼ fa ghə̀ŋ nə̀ bwensə mbyɨ nə̀ mbyɨ, ghə̀ŋ mwomsə ə nè nyʉ̀ ə jùŋə və a ghə̀ŋ təwen, be nè a viʼi və tsèm.

1 Tèsàlonyà 5:21

Ghə̀ŋ boŋsə kaʼtə no nyʉ̀ ə tsèm ə yen la, və le lù to no fa Nyìngòŋ ə lo. Ghə̀ŋ yen to kə nəmwèʼè kə ghə̀ŋ a byɨmə,

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 4:17

Kə diʼ alə̀ byìʼì ando zhʉ̀ kʉʼʉ li a Nyìngòŋ a soʼ mbi, ghə̀ diʼ ə zìtə̀ nə̀ viʼi wen. Ghə̀ lə sətsen ndiʼ boŋsə zìtə̀ ə soʼ vəghəŋ a ambì, kə lə na ndiʼ ale a viʼi a və ko byɨmə ntɨm ə jùŋ a?

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

3 Joyn 1:10

Mà ne vì no a zhʉ kò ə shə̀ʼtə̀ ə kuʼ nə̀ nyʉ̀ vyi a ghə̀ nè, nyʉ̀ fansəvə byɨvə, benə ndzɨŋ shì, a ghə̀ gàʼà byìʼì yes. Ghə̀ ko sè tò a na kì, ghə̀ tyenə la ghə̀ ko shisə vəlèmə̀, be tàmə̀ viʼi vyi a və kəŋə nshisə vəwenə, dzɨ̀mə̀ vəwenə shìsə̀ fa ntsèntə̀ viʼi və byɨməvə.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.

3 Joyn 1:3

Mà tə sàŋlə no nə̀ ŋàŋ ando vəlèmə̀ vətsenvə tə vì shə̀ʼtə̀ à mò la wù nè tò ənyʉ̀ a diʼ ənyʉ̀ nəmwèʼè bènə̀ ando wù tsi tò a nəmwèʼè.