Gàlesìyà 5:22 - The New Testament in the Babanki language

²² Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Gàlesìyà 5:22 ပူးပေါင်းရင်းမြစ်များ

Matìyò 12:33

Yesò bè ziʼì la, “Wù sətsèn lyɨ̀ la ashɨ fəkòʼ diʼ à jùŋə ghə̀ mu wù diʼi be lyɨ̀ la fəkòʼ a fìfə diʼ fə jùŋfə, ə̀ lyɨ̀ la ashɨ fəkòʼ diʼ à byɨghə mu wù diʼi be lyɨ̀ la fəkòʼ a fìfə diʼ fə byɨfə, byìʼàndo və nə̀ nkɨ fəkòʼ tò fà yì ashɨ.

Ŋwàʼlə̀ Luk 13:9

Ashi sətsèn kumə tsu a ngwʉʼ fi mu kə li boŋli, à sətsèn fə faŋ kè kumə, və mu bvaʼà maʼà.’”

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Joyn 15:5

“Ma diʼ fəkòʼ, ghə̀ŋ diʼ tətam. Wìʼ sətsen faŋ a mo wen, ma be a faŋ a wen, ghə̀ a kumə ashɨ, to kədə̀ŋ. A bwèn fa mo, ghə̀ŋ zizi ko ghə̀ŋ lu nè kənyʉ̀.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

Lumans 15:3

Nò tèbe Yesò ə ko ə nè kənyʉ̀ ə saŋlə to fa wen a ngeŋ. Və nyòʼ li a Ŋwàʼlə̀ Nyìngòŋ la, “Mbaʼ shisə a və telə wù tsu fəŋ li a mo a kətʉ.”

Lumans 15:30

Ma sensə ghə̀ŋ a vəlemə vwomə la ghə̀ŋ ə jɨ̀mə̀ a mò no nə̀ kədyoʼkə. Ghə̀ŋ ə jɨ̀mə̀ byìʼì ando vəghəŋ ə kiʼi to əbyɨmə ə mùʼ a Bobo vəghəŋ Yesò Klistò, kəzhwì kə Ŋwoʼkə be nè la vəghəŋ ə̀ kòŋ təwen tə vəghəŋ.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 8:5

Viʼi vi a və tsi ando njòsə wensə sə kəŋ ghʉ̀ kətʉ kə vəwenə to nyʉ̀ ə njòsə wen ali viʼi a və tsi ando kəzhwì kə Ŋwoʼkə ə kəŋ ə ghʉ kətʉ̀ kə vəwenə to nyʉ̀ kəzhwì.

1 Kolìntyàns 13:13

Luwen, nyʉ̀ venə ə tàʼ, à lə əbyɨmə nə̀ kənyʉ̀ kì a vəghəŋ ə ki kəʼtə kəwenkə, kɨ nəmwèʼè la və lu ndiʼ, nə̀ kòŋə ə diʼ mu və faŋ li to nəmwèʼè ali no kənyʉ̀ ki a kə to chò a ntìntìn nyʉ̀ a ghèn diʼ əkòŋ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Efisyàns 4:23

Və ə mbe nziʼi la ghə̀ŋ maʼa ntsìnə̀ ə mu na yì ə boŋsə kwoʼtə a ji ə fi.

Efisyàns 5:9

Ma gàʼà alə̀ byìʼì ando no fè a əbayn ə diʼ tsu, ə nyʉ̀ ə jùŋə və ə fʉ̀ kuʼu tsu, viʼi tsi ətsìnə̀sə tɨməsə be ne to ə nyʉ̀ vyi a və diʼi nəmwèʼè.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

2 Tèsàlonyà 3:2

Ghə̀ŋ jɨm tamə la Nyìngòŋ ə shisə yes fa avu ə viʼi vyi a və kiʼi tətyɨm tə byɨtə nə̀ viʼi a və nè nyʉ̀ ə byɨvə. Viʼi vətsenvə ko byɨmə ntɨm ə jùŋ ghèn.

1 Timotì 3:11

Ki vi a və shyèʼ a ngə̀ŋ Nyìngòŋ be diʼ nkiʼ ntsìnə̀ ə jùŋ, ko vəwenə gaʼa kùwòŋ, ali dìʼ tò a vəwenə a ətof, ne no te ghò tò nəmwèʼè.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.