Gàlesìyà 5:2 - The New Testament in the Babanki language

² Ghə̀ŋ zhʉtə! a gàʼa mò Bol a ghə̀ŋ la, ghə̀ŋ sətsen moʼtə la və shətə ndyə̀ ghə̀ŋ, a kə a ndiʼi la kənyʉ̀ ki a Klistò nè a ghə̀ŋ le li to kədyàŋ.

Gàlesìyà 5:2 ပူးပေါင်းရင်းမြစ်များ

Shwèʼ 15:1

Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.”

Shwèʼ 15:24

Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès.

Shwèʼ 15:5

Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”

1 Kolìntyàns 16:21

A nyoʼo to no mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə kòmkə.

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

Gàlesìyà 5:11

Və le bè ə tsuʼ to kəghʉ komkə a gho, a vəlemə vwomə, azhʉ̀ a kə diʼ nəmwèʼè la, ma ziʼi la və diʼ ə shətə ndyə̀ ə viʼi a? Kə sətsen ə ndiʼ nəmwèʼè, mu ziʼi yì a ma ziʼi kumə Klistò a ghə̀ mpfʉ a kəntò ko be zafə viʼi Jus.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

1 Tèsàlonyà 2:18

Yes tə ə ndiʼ ə bwenə ə vi ə yen ghə̀ŋ, no tèbe mò ə Bol mwomsə ə zàʼa aghayn à bò ali, Satan əko əwʉ̀sə la yès vi.

Filimùyn 1:19

A nyòʼo to no mò nə̀ kəvu ə komkə a wù la, “Mò Bol na lòʼ no tèbe ghò a wù a Onesimùs ə lòʼ a wù.” Wu kɨ la no nkayn wù diʼ sə wù kiʼ kənyʉ̀ ə nè a mò ando mà tə ne wù sə diʼ wù ə byɨmə.

Filimùyn 1:9

Ali ma boŋsə sensə wù sensə byìʼì ə koŋə yi a ma kiʼi a wù. Mò Bol, a diʼ nə̀ wù to be diʼ a ngə̀ŋ nfɨŋ byìʼì ando ma shwèʼè a Yesò Klistò.

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.