Gàlesìyà 5:18 - The New Testament in the Babanki language

¹⁸ Alì mu kəzhwì kə Nyìngòŋ kə sətsen ə ntisə ghə̀ŋ, ko ghə̀ŋ be na ntsi atyi Əsoʼ.

Gàlesìyà 5:18 ပူးပေါင်းရင်းမြစ်များ

Joyn 16:13

Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 8:12

Kə lə diʼi a vəlemə vwomə la, vəghəŋ ə kiʼi kənyʉ̀ ə ne, kənyʉ̀ na kì a kodiʼ la vəghəŋ ntsi ando njòsə ə wen vəghəŋ sə kəŋ.

Lumans 8:14

Kə diʼ alə̀ byìʼì ando no ndo yi a kəzhwì kə Nyìngòŋ kə ə tisə wen diʼ wìʼ yi a diʼi wàyn Nyìngòŋ.

Gàlesìyà 5:16

Ma kəŋə gàʼ a ghə̀ŋ la, Ghə̀ŋ ə tsi ando kəzhwì kə Ŋwoʼkə ə tisə ghə̀ŋ. Ghə̀ŋ sətsen ə nè alə, ko ghə̀ŋ be na nè nyʉ̀ vyi a və fwomə a njòsə wen.

Gàlesìyà 5:23

Gumlə, kɨ ə ghaʼ təwen. Əsoʼ ə tsenə ghə̀ ə ko tensə tebè no kənyʉ̀ kə mùʼ fa ntìntìn nyʉ̀ a ghèn.

Gàlesìyà 5:25

Luwen to ando vəghəŋ sə tsì byìʼì Kəzhwì kə Ŋwoʼkə lə, vəghəŋ diʼ ne to nyʉ̀ vyi a kə kəŋə la vəghəŋ ə nè.

1 Timotì 1:9

Vəghəŋ diʼ kɨ la əsoʼ a ghənə nko vi a viʼi və jùŋvə, soʼ a ghenə nvì a viʼi vyi a və kwàʼa ə soʼ, nə̀ əvi a və to kətʉ, nə̀ viʼi vyi a və ko gumlə Nyìngòŋ, nə̀ vi a və nè ənyʉ̀, ə byɨvə, nə̀ vi a və ko jɨ̀mə̀ a Nyìngòŋ nə̀ vi a və telə Nyìngòŋ, nə̀ viʼi vyi a və zhwi vətiʼi vəwenə kò vəlì vəwenə nə̀ vi a və zhwi viʼi vətsenvə.

2 Timotì 1:7

Mà gàʼà alə byiʼ ando Nyìngòŋ ko ku kəzhwì kəfwàyn a vəghəŋ. Ghə̀ ku kəzhwì la kə nə̀ ne vəghəŋ ə kiʼi ətyɨm to ghə̀, kòŋ viʼi vətsenvə, bè kɨ ə ghaʼ tə wen tə vəghəŋ.