Gàlesìyà 5:17 - The New Testament in the Babanki language

¹⁷ Ənyʉ̀ vyi a və fwomə a njòsə wèn nkòŋə̀ la vəghəŋ ne, ko diʼ nyʉ̀ vyi a kəzhwì kə Nyìngòŋ kə kəŋə la vəghəŋ nè, ə vyi a kəzhwì kə Nyìngòŋ kə kəŋ la vəghəŋ ə ne a ko diʼ nyʉ̀ vyi a njòsə wen ə vəghəŋ kòŋə̀ ə nè. Ənyʉ̀ na venə diʼi to soyn diʼ la wù ə ne no tebe ghò na yi a wù kòŋə̀ nè.

Gàlesìyà 5:17 ပူးပေါင်းရင်းမြစ်များ

Matìyò 12:30

“Ghə̀ŋ kɨ la, wìʼ a ghə̀ ko diʼ à mò a bàm, ə lì soynə mò. Wìʼ a ghə̀ fàŋ ke ngyàmtə̀ mò ə tsèntə̀ mu ghə̀ lì sàsə̀ sàsə̀.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Matìyò 26:41

Ghə̀ŋ ntsi kə̀ʼə̀ be jɨ̀mə̀ ndi la kə mwòmsə̀ à vì à ghə̀ŋ. Mà kɨ la tətyɨm təŋtə kòŋə̀ ənè kənyʉ̀ a mà gàʼà alì təwen təŋtə bwaʼa.”

Matìyò 5:6

Mbwaʼmə dìʼ a viʼi vyi a və ŋwʉʼ jɨŋsə zafə vəwenə, ndòŋ vəwenə be zɨmtə̀ tò la vəwenə ne kənyʉ̀ kì a Nyìngòŋ kəŋə byiʼàndo Nyìngòŋ lu ku kədyòʼ à vəwenə la vəwenə ne nyʉ̀ a vyi.

Ŋwàʼlə̀ Luk 22:33

Simon bwènsə̀ gàʼ à Yesò la “Bobo ma ghʉli la ma dyʉ̀ a mfɨŋ ə be pfʉ tò yowù.”

Ŋwàʼlə̀ Luk 22:46

Ghə̀ bèm a vəwenə la “Ghə̀ŋ bʉnə̀ byìʼì ghò? Ghə̀ŋ lu ə jɨ̀m ndì nè la kə mwòmsə̀ a vì ghə̀ŋ.”

Joyn 3:6

Wìʼ ə bwi tò kətsoʼ kə wèn alì Nyìngòŋ ə ku Kəzhwì.

Lumans 8:13

Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Jems 3:2

Vəghəŋ vətsèm lu nè shwè. No ndò sətsèn ə ngàʼà ke nshwè mu ghə̀ dìʼ wù kənyʉ̀ kə tɨməkə, be diʼ mu ghə̀ zì ghə̀ tuʼmə nə̀ sò kətʉ wen.