Gàlesìyà 4:6 - The New Testament in the Babanki language

⁶ Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Gàlesìyà 4:6 ပူးပေါင်းရင်းမြစ်များ

Ŋwàʼlə̀ Mak 14:36

Mù jɨ̀m la, “Bàba,Tìʼ ghòm, kənyʉ̀ kə zì ko kə lù chò wù. Shi ndoŋ ngəʼ ghèn fà mò a kəvu, alì ne tò kənyʉ̀ a wù kòŋə̀.”

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 11:2

Yesò gàʼ à vəwenə la, “Ghə̀ŋ ne sə njɨ̀mə̀, ghə̀ŋ ə gàʼà la: ‘Tìʼ, ne viʼi nghoʼsə zhiʼi wu, ne la soʼ fòyn wù nvì.

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 16:7

Alì, ma gaʼa to a ghə̀ŋ nəmwèʼè la, à diʼ njùŋ a ghə̀ŋ ando mà sə lu. Mà sətsen faŋ kə dyʉ̀, ko Ngyàmtə̀ a vì a ghə̀ŋ. Alì mu mà dyʉ̀, a mà dyʉ̀ tɨm ə wen a ghə̀ŋ.

Joyn 3:34

Wìʼ a ghèn a Nyìngòŋ ə tɨmə lə̀, ə shə̀ʼtə̀ to kənyʉ̀ kə Nyìngòŋ byìʼì ando ghə̀ kù kəzhwì a wen, ku mwètə̀ to mwètə̀.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Shwèʼ 16:7

Vəwenə nè dyʉ̀ boʼsə a Misìyà sə kəŋə əkuʼ dyʉ̀ ji fa Bitinyà, Kəzhwì kə Yesò kə bè tènsə la kə vəwenə a kùʼ tsu.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 8:9

Alì fa ghə̀ŋ, ghə̀ŋ ko ghʉ tebè kətʉ ə kəŋkə̀ a nyʉ̀ ə njòsə wen. A tisə Kəzhwì kə Ŋwoʼkə tisə ghə̀ŋ a zhʉ a ghə̀ŋ kiʼi Kəzhwì kə Nyìngòŋ na kènkə nəmwèʼè. Nò tèbe ndo a ghə̀ ko kiʼ kəzhwì kə Yesò kodiʼ wù ə Yesò.

1 Kolìntyàns 15:45

Və nyòʼò li a Ŋwàʼlə̀ Nyìngòŋ la, “Adàm ə wù mbì ndiʼ wìʼ a Nyìngòŋ ə ne, ghə̀ sə tsi” ali Adàm ə bàm, a diʼ Yesò tə vi sə diʼ kəzhwì kì a kə ne la viʼi nkiʼ ntsìnə̀.

2 Kolìntyàns 1:22

Ghə̀ chʉtə li vəghəŋ a ji la ghə̀ ku li Kəzhwì kə Ŋwoʼkə ə Nyìngòŋ a vəghəŋ a tətyɨm ə diʼ nəmwèʼè la ghə̀ lu ku mwetə əfo vyi a ghə̀ ghʉ a vəghəŋ.

2 Kolìntyàns 3:17

Kə diʼ alə̀ byìʼì ando Bobo wenə Kəzhwì kə Ŋwoʼkə diʼ to kənyʉ̀ kə mùʼ. No fe a kəzhwì kɨ Bobo kə diʼ, ko viʼi be diʼ əkòs.

Efisyàns 1:13

Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 1:19

Ma saŋlə byìʼì ando ma kɨli la əjɨ̀m ə ghəŋə nə̀ gyamtə kəzhwì kə Yesò Klistò kə gyàmtə̀ mà nè bwòŋ ə fʉ̀ fa nfɨŋ ashə.

1 Tèsàlonyà 4:8

A sətsen a tensə no ndo tensə kənyʉ̀ ki a yes ə ziʼi, ghə̀ tensə Nyìngòŋ a ghə̀ ku kəzhwì kə Ŋwoʼkə a ghə̀ŋ.

1 Bità 1:11

be kəŋ la kəzhwì kə Yesò kì a kə diʼi a vəwenə diʼ zhʉ̀ nə̀ ji yi a Yesò ə ndiʼ lù yenə ngəʼ fa tsù ə be diʼ kədyòʼ kə wen.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.