Gàlesìyà 4:5 - The New Testament in the Babanki language

⁵ to ghə̀ ka zen kətʉ kə viʼi vyi a və ndiʼ ati Əsoʼ na yi, ə nè la vəghəŋ ə diʼ vunə ə Nyìngòŋ.

Gàlesìyà 4:5 ပူးပေါင်းရင်းမြစ်များ

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Ŋwàʼlə̀ Luk 1:68

“Kuʼsə diʼ à Bobo Nyìngòŋ viʼi Islel byìʼì ando ghə̀ vili ə ghayntə viʼi wen bè zen kətʉ kə vəwenə.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Lumans 10:4

Yesò sə diʼ mù ghə̀ vi li ə ne la kə Əsoʼ ə be ə kiʼi kədyòʼ. Ghə̀ nè alə̀ ndiʼ no ndo yi a ghə̀ byɨmə a wen ndiʼ ti a nkàyn ashɨ Nyìngòŋ.

Lumans 8:14

Kə diʼ alə̀ byìʼì ando no ndo yi a kəzhwì kə Nyìngòŋ kə ə tisə wen diʼ wìʼ yi a diʼi wàyn Nyìngòŋ.

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

Lumans 8:19

Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

Lumans 9:4

Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 4:21

Ghə̀ŋ venə a ghə̀ŋ kəŋ ə ntsi ati Əsoʼ alə̀, ghə̀ŋ shə̀ʼtə̀ li a mò la, ghə̀ŋ ko kɨ kənyʉ̀ ki a Əsoʼ gàʼ mu lo?

Gàlesìyà 4:7

Kə le diʼi la ghə̀ŋ ko be diʼ əkòs. Ando ghə̀ŋ ə diʼ vunə Nyìngòŋ lə, Nyìngòŋ lu ku əfo vyi a ghə̀ kiʼi a nə̀ vunə wen.

Efisyàns 1:5

Nyìngòŋ ə sə diʼ mù ghə̀ nghʉ li la ghə̀ be lù lyɨ vəghəŋ a wen a vunə chò fa a Yesò Klistò, mu à kòŋ to wen nə̀ saŋlə ə ghʉ la kə ə ndiʼ a li.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 9:12

Yesò ə ko ə lyɨ̀ mənlyuŋ mə nyàm ko mə byi ə kwen nə̀ mə wenə a kəshi yi a kə Layn kwʉ̀ʼʉ̀. Ghə̀ boŋsə lyɨ̀ to mənlyuŋ mə wen ə kwen tsu, to ə zen kətʉ kə vəghəŋ to ghayn əmùʼ.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.