Gàlesìyà 4:4 - The New Testament in the Babanki language

⁴ Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Gàlesìyà 4:4 ပူးပေါင်းရင်းမြစ်များ

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Matìyò 3:15

Yesò gàʼ à wen la,“Yowù nè tò alə̀ luwèn ku tò ku byiʼàndo à diʼ tò a ji a ghèn a vəghəŋ diʼi nè nyʉ̀ vyi a Nyìngòŋ kəŋ.” Joyn mù byɨmə əku.

Matìyò 5:17

“Kə ghə̀ a nkwòʼtə̀ la mà vì ə tsəʼsə soʼ yi a Mosìs nlù kù bènə̀ nyʉ̀ vyi a nshə̀ʼtə̀ sə ghoʼkə sə nlù nyòʼ. Mà ko tə vì ə tsəʼsə nyʉ̀ avyi, mà bòŋsə vì ənè la nyʉ̀ avyi ndiʼ nəmwèʼè.

Ŋwàʼlə̀ Mak 1:15

gàʼà la, “Zhʉ kwʉʼʉ̀ li, soʼo Fòyn Nyìngòŋ boʼsə li. Ghə̀ŋ kwitə tətyɨm təŋtə fà ghə̀ŋ a mbyɨsə ə̀ byɨmə ntɨm jùŋə ghèn.”

Ŋwàʼlə̀ Luk 1:31

Wù kɨ la, wù a tɨmə nə̀ bèmə ə bwi wàyn wulɨm ə chʉ zhiʼi wen nə̀ Yesò.

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 2:7

Ghə̀ nbwi wàyn mbì wen à diʼ wulɨm, lemtə wen nə̀ basə ndisə, nyòŋsə̀ wen a tyi ntʉʼ a nyamsə nvì zhɨ fa tsu, byeʼe ando kəshi kə nko bè ndiʼ a ngə̀ŋ yi a viʼi jèʼ əvì tsi tsu, ə vəwenə tsi tsu.

Ŋwàʼlə̀ Luk 20:44

A lè sətsèn ndiʼ mu Devìt ndzàŋ wen nə̀ Bobo, ghə̀ bè a ndiʼ wàyn Devìt a le lo?”

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 6:38

byìʼàndo mà lu fa kàŋ ə shiʼi vi a nse ə nè kənyʉ̀ kì a wìʼ yì a ghə̀ tɨmə mo ə kəŋ, a ko diʼ kənyʉ̀ ki a ma kəŋ fa mò a ngeŋ.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Shwèʼ 1:7

Yesò bwènsə̀ gàʼ à vəwenə la, “A ko diʼ kəshi kəŋkə̀ ə ghə̀ŋ kɨ kətsi kì ko zhʉ yi a Tìʼ ghom tə ghʉ̀ nə̀ kədyòʼ kə wen kə.

Lumans 1:3

Ntɨm ə jùŋ a ghèn ə gàʼà kumə Wàyn Nyìngòŋ, ə Bobo vəghəŋ Yesò Klistò. Ghə̀ nvi a nse a wìʼ, və bwi wen a ngwaʼ ngə̀ŋ ə Devìt.

Lumans 15:8

Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

Lumans 5:6

Ghə̀ŋ kɨ li la andiʼ ando vəghəŋ bo nè nyʉ̀ ə byɨvə, ko ji kənyʉ̀ kətsenkə be baynə tebè a vəghəŋ, Yesò ə vi ə pfʉ ə bwoŋsə vəghəŋ. Ghə̀ nvi to azhʉ̀ yi a Nyìngòŋ ə mbaʼtə wʉ̀.

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Kòlòsyàns 2:14

mbe tsəʼsə kəfo kì a vəghəŋ tə ə diʼ ə lòʼ. A ndiʼ ndo vəghəŋ kwaʼ əsoʼ, kə ndiʼ la vəghəŋ ə kiʼ kəfo ə lòʼ. Luwen ə sə diʼ mù Nyìngòŋ ə lyɨ̀ li kəfo na ki ə bàyntə a kəntò.

1 Timotì 2:6

Ghə̀ nku li wen ə wen ə pfʉ ə zen kətʉ kə viʼi və tsèm. Nyìngòŋ ə ne kənyʉ̀ a kenkə tò a yi zhʉ a ghə̀ ə kəŋ ə diʼ a nə̀ kəchwitəkə la ghə̀ kòŋ ə bwòŋsə viʼi və tsèm.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

1 Joyn 4:2

Ghə̀ŋ zì ghə̀ŋ kɨ la wìʼ kìʼ kəzhwì kə Nyìngòŋ a ji la wìʼ ayì ə byɨmə la Yesò Klistò ə mvi li a mbi ashə̀ a wen ə wìʼ.