Gàlesìyà 4:30 - The New Testament in the Babanki language

³⁰ Alì Ŋwàʼlə̀ Nyìngòŋ ə gàʼa la ghò? Ghə̀ gaʼa la, “Saŋ ə wùwì kəkòs yi wenə wàyn wen, byìʼì ando wàyn kəkòs na ghèn ko lu zhɨ̀ tebè fa kəfo ə tiʼi vəwenə. A lu zhɨ to wàyn wùwì yi à ko diʼ kəkòs.”

Gàlesìyà 4:30 ပူးပေါင်းရင်းမြစ်များ

Joyn 8:35

Kəkòs kə ko ə se a diʼ nə̀ wù ngwaʼ ə ngə̀ŋ, ali wàyn ə se a nə̀ wù ngwaʼ a ngə̀ŋ əzaʼa no fa ze.

Lumans 11:2

Nyìngòŋ ə ko maʼa viʼi wen mu ghə̀ ə ghʉ̀ li la ghə̀ lu bwaʼsə vəwenə mibu shɨtə mbi. A ghə̀ŋ kɨli kənyʉ̀ kì a Ŋwàʼlə̀ Nyìngòŋ ə ngàʼa kumə Ilajà a ghə̀ ə sensə Nyìngòŋ la ghə̀ diʼ kənyʉ̀ ki a viʼi Islel a vəwenə byɨbsə. Ghə̀ ə sensə gàʼa la,

Lumans 4:3

Və nyoʼ li a ŋwàʼlə̀ Nyìngòŋ la, “Ablaham ə byɨmə Nyìngòŋ, Nyìngòŋ be lyɨ̀ wen a wù kənyʉ̀ kətɨməkə.”

Gàlesìyà 3:22

Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

Gàlesìyà 4:22

Və nyòʼo li a ŋwàʼlə̀ Nyìngòŋ la, Ablaham ə nkiʼi vunə və lʉmə və bò. Ghə̀ tsen diʼ mu à mbwi wùwì, a ndiʼ kəkòs a wen, ghətsen diʼ mu à mbwi wùwì, a kodiʼ kəkòs.

Gàlesìyà 4:31

Ghə̀ŋ yen li a vəlemə vwomə a byɨmə la, vəghəŋ ko diʼ vunə wùwì kəkòs yì. Vəghəŋ ə diʼ vunə wùwì yi à ko diʼ kəkòs.

Jems 4:5

Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.